BCM Sikul veng south vanlaiphai BMP unit te chuan Belpei(Matisora) Chakma Missionah February 8-12, 2021 chhung khan member 20 kalin work camp an nei. Headmaster Pi S. Lalfakhluni Missionary quarter an extend a, bathroom septic tank leh biak in panna kawng lungrem hna an thawk a ni .
BCM Electric Mission committee bul tum in Borapansuri,Chakma Missionah Missionary Quarter sa-in mi 15 an kal bawk. An tum ang a hna an thawh theih chuan February 27, khan Lunglei-ah let leh tura beisei an ni.
#Aizawl Area Bru Mission- Workers' Retreat.
February 26 & 27, 2021 chhung hian Damparengpui High School-ah Aizawl Area-a Bru Mission hnuaia thawktute chuan Rev. R. Lalthangliana, Mission Co-ordinator chu Speaker-a hmangin Retreat an nei dawn a. Mission Department Headquarters-atangin Pu Lalthankunga Sailo leh Nl. Lalzuifeli ten an tawiawm ang.
Bru Mission hnauia thawktu Lawngtlai Area leh Lunglei Area te pawhin Mission Coordinator Speaker-a hmang hian Retreat hi an lo nei tawh a, Thawktute mai bakah an kawppui te nen hun hmangin hlawkthlak an tiin an hlim hle. Heng hunah pawh hian Headquaerters a Mission Department thawktuten tawiawmin hun an hmanpui thin a ni.
#Bru Baptist Church Assembly:February 24-26, 2021 chhung hian Bru Baptist Church Assembly chu Damparengpuiah neih a ni a. He Assembly-ah hian Mizoram hmun hrang hrang a Bru Baptist Church palai member te kalkhawmin Rorelna an nei a ni. Kuminah hian Hrileng avangin kum danga an hman thin angin zan lam Inkhawm te a awm lo va, rorelna leh Ordination Service chauh neih a ni. Covid hrileng avangin Assembly palai tihtlem a ni a, rorel palai 190 kal thei tura besei a ni.
Assembly-ah hian Pastor pakhat nemngheh tur a awm a, Rev. Habert Rorelliana Sailo, Administrative Officer BBC –in a nemnghet ang.
Assembly report-in a tarlan danin tun dinhmunah hian BBC hnuaiah Pastor Bial 13-ah Local Church 101 an awwm a, member 16,682 an awm mek bawk.
#AGS mission-in Marpara ‘S’ a tlawh.Kar hmasa Zirtawpni, February 19, 2021 khan Rev. Dr. C. Vanlaldika, AGS – Mission chuan Marpara South Comprehensive High School permission chungchang bawhzui na tura hriat chian ngai leh enfiah ngai te enfiahin Upa J. Lawmsanga, Serkawn nen Marpara South–ah an kal a. AGS hian Missionary te kawmin helai hmuna rawngbawlna kalpui zel dan tur te pawh a sawipui nghal a, hma lak mekna te a hmunah a enfiah nghal bawk.
Marpara ‘S’ Comp.H/S permission hi hun rei tak buaipui a lo ni tawh a. Eng eng emaw harsatna avangin tun thlengin a la hlawhtling lo a. Tunah hian thui tak kalpui mek niin Directorate lamah bawhzui tura hma lak mek a ni.
