ABC Inkhawmpui
Mizoram Baptist Kohhran Area Baptist Council (ABC) Inkhawmpui chu Mizoram hmun hrang hrang 13-ah Naktuk zan atanga Pathianni zan thleng (October 26-28, 2012) hian a rualin neih a ni dawn a. Naktuk zan atangin Vantlang Inkhawm neih a ni ang a, Inrinni chhun-ah ABC Rorelna neih a ni ang.(Read More)
Missionary 4 Serh leh sang khawih theihna pek an ni
Tun hnaia Mission Board meeting chuan Mizoram pawna kan missionary thawklai mi 4 te serh leh sang khawih theihna a pe thar a. Chungte chu Pu K. Lalchhanhima- Dhubri Area (Assam Bengal field). Pu L. vanlalzuia -Rajbongsi Area (Assam Bengal field) Pu K. Lal-chungnunga -Tirbin Area (AP East field) leh Pu R. Lalsangzuala -Mi-shing Area (AP West field) te an ni.
Nupa Tuak Sarih innei tha
Pathianni kal ta, October 21 khan Laisawral Kohhranah nupa tuak 7 te chu an bialtu pastor, Rev.HS. Lalramnghaka’n a invawnthat tir.
BCO Rs. 50,000/- in tanpui
Mizoram sawrkar Health Department chuan tun hnaia an lawmman dawn atang leh thawktute ni khat hlawh tlingkhawm atangin Baptist Church Orphanage (BCO) tanpui nan Rs. 50,000/- an hlan.
Lawngtlai District Missionary Retreat & Seminar
Mission Department chuan October 31-Nov.1, 2012 hian Lawngtlai District huam chhunga kan missionary-te pualin Nghalimluiah Retreat leh Seminar an buatsaih dawn a. Lawngtlai Area Executive Secretary, Rev.Lalbiaksanga Chinzah, Mission Coordinator, Rev. R. Lalrintluanga leh kan Editor, Pu KMS.Dawngliana ten an hmanpui ang.
Pu C. Lalbiakthanga Chennai-ah
Prevention & Care Organiser, Pu C.Lalbiakthanga chu National Council of Churches in India (NCCI) buatsaih HIV/AIDS chungchang Kohhran huang chhunga hmalak dan tur inrawnkhawmna October 31-Nov.1, 2012 chhunga Chennai-a neih turah BCM aiawhin a tel dawn a; Thawhtanni khian Lunglei a chhuahsan ang.
Non Mizo Baptisma chang thar 11
October 16-20, 2012 chhunga Chawngte ‘L’ Kohhranin Non Mizo pual Camping a buatsaih chu a hlawhtling hle a; October 20 (Inrinni) khan mi 11 in baptisma an chang. Hetianga kohhran malin Non Mizo puala Camping an buatsaih hi an fakawm hle.
Area Supervisor thar 2
Mission Board meeting chuan Field Director aiawha thil tul apiang bawhzui turin Area Supervisor mi 2 a ruat thar a, chungte chu Pu Daniela Hnamte-Sikkim Area leh Pu H. Hrangchhuana- Jharkhan Area.
Missionary Pathum Furlough
Tunlai hian kan missionary te zinga mi 3 te chu Furlough Programme hmangin Mizoramah an awm mek a; chungte chu Pu K. Lalzuimawiate chhung (AP East field), Pu B. Khawtinkhumate chhung (Mar-para South) leh Dr. Remsangpuia te nupa (China) te an ni. Pu B. Khawtinkhuma te hian Lunglawn bial an tlawh mek a; mi dang 2 te hian November thlaah kohhran tlawh an tan ang.
Work Camp
Tun hnaiah Lunglawn Kohhrana BMP member 9 te chuan Sikkim-a missionary, Pu Daniela Hnamte Quarters sa-in Workcamp an nei
