Work Camp  :

i) Oct. 9 – 13, 2012 khan Serkawn kohhran member 9 chuan Work Camp-in Tuichawnga Missionary Pi R. Lalthianghlimi quarters an sak sak.

ii) Oct. 13 – 21, 2012 khan BMP Unit Lunglawn member 9 chuan Work Camp-in Rinchenpong Sikkim-a Missionary Pu Daniela Hnamte quarters an sak sak. Chawlhlehkar hian lo haw an tum.

Chakma ringthar  :

Oct. 14, 2012 Pathianni khan Bolungsuri-ah Chakma ringthar mi 11 laiin Baptisma an chang. BCM Edenthar, College veng, Lunglei bul tumin Camp neih a ni a, Speaker atan Pu Rupendro Lal hman a ni. Mi 89 lai an lut a, Pathian thu an dawngsawng tha a, an hlawkpui hle. Lawmthu i sawi ang u.

Mission Convention  :

Oct. 12 – 14, 2012 khan BCM Thingsai buatsaih Mission Convention-ah Mission Promoter chu Speaker a ni a. Thingsai kawng hi a tha lo hle a. Kawng diak, nal leh khuarah an motor vawi tam tak a tan avangin JCB-in khawchhung thleng rawk a hnuk! An haw lamah pawh Pick-up in Cherhlun thleng thlahin tum 5 lai a hnuk a ni. An programme erawhchu Pathianin mal a sawm nasa hle a, thu a tla thain, zai pawh a tui hle. Oct. 13, 2012 Inrinni khan kohhran pumin ruai nen Convention hi an hmangho a ni. Lawmthu i sawi ang u.

Missionary Furlough  :

 i) Pu K. Lalzuimawia, Evangelist, Yingkiong, Arunachal East Field chuan Mission Promoter zuiin Oct. 13 – 14, 2012 khan Thingsai khaw chhunga kohhran 4 : Thingsai, Bethel, Nazareth leh Gilgal te a tlawh a, reports leh thuchah ngaihnawm tak a sawi.  Bial dang a la tlawh zui zel ang.

ii) Pu B. Khawtinkhuma, ET, Marpara ‘S’ chuan Lunglawn, Luangmual, Aizawl leh Lawngtlai ‘N’ Bial te tlawhin Furlough programme a hmang dawn. Oct. 2012 chhung hian Lunglawn Bial chu a tlawh nghal ang.

iii) Dr. Remsangpuia te nupa, China-a kan Missionary te pawh Furlough-in an lo chhuak a, Australia an tlawh hnuin Oct. – Dec. 2012 chhung hian Mizoram chhungah hun an hmang dawn. Oct. 28, 2012 thleng hian an khua Tlabungah hun an hmang ang. An programme hlawhtlin theih nan i tawngtaisak ang u.

MTKP Organiser Mission Field-ah  :

Rev. Samuel Lalremsanga, MTKP Organiser chu Arunachal Far East-a DLBCA Thalai inkhawmpui Bolung-ah (Field Hqrs. Roing atanga km. 20 a hla) Oct. 22 – 24, 2012 khan Speaker a ni a, zaithiam Nl. C. Lalmuanpuii, Edenthar, Lunglei leh Tv. Lalthansanga Hnamte, Rahsiveng, Lunglei ten an tawiawm.

Missionary damlote  :

 i) Nl. F. Zoramthangi, hrawk bawk zai, Guwahati-a awm mek

ii) Pu H. Laltlankima, CMC, Vellore-ah enkawl mek a ni

iii) Tv. Lalfamkima, MT, Tejpur Mission Hospital-a accident vanga la enkawl mek. A kephah veilam tum hnih zai tawh a ni. iv) Pu B. Lalhmingmuana, ET, BBS, Chawngte fapa Lungpawp, Aizawla enkawl mek. Pathian tihdamna leh thlamuanna i dilsak ang u.

Thanzamasora Camp  :

Oct. 17 – 21, 2012 hian Thanzamasora-ah Chakma kohhran Thanzamasora leh Sedailui tan Camp buatsaih a ni a, Chawngte Circle Chakma Team-in rawng an bawl. Speaker chu Pu Jamadon a ni. He Camp hi BCM Lunglawn bul tuma siam a ni. Thanzamasora-ah hian Pu Thanmawia, Evangelist a thawk a, BCM Lungrang rawih a ni.

Missionary nupui nei  :

Tv. Zothanpuia, MT, Basar, Arunachal East Field chu Nupui nei turin Mizoramah a rawn chhuak. Amah hi BCM Moria, Rahsiveng, Lungleia lawi a ni. Kan lo hriat dan chuan Oct. 25, 2012 (Ningani) hian Dan Puitlingin Zotlang, Aizawl nula a nei dawn a ni. BCM-a a rawngbawlpuiten kan lawmpui tak zet a, duhsakna sang ber kan hlan a ni.