Mision Field Account Audit lai Baptist House, Guwahati[/caption]
Mission Field Audit mek
May 17-20 chhung hian Kolkata Region hnuaia Field leh School hrang hrangte Audit neih mek a ni a. Head Qtrs. atangin Pu K. Lalrohlua, Finance Manager, Upa R. Lalbiakmuana, Asst. Account Officer leh Upa V. Kapzauva te an kal. Upa S. Hmingthanga, Aizawl erawh chu damlohna avangin a tel thei ve ta lo a ni. May 22-25 chhungin Guwahati Region hnuaia mite chu Baptist House, Shillong-ah Audit hi an chhunzawm leh nghal ang.
Mission Hotute zin haw
BCM Mission department changtu Rev. Dr.C.Vanlaldika, AGS i/c Mission chu Field hrang hrang tlawha a zin chu a zin programme te hmang zovin a lo haw mek a, tun kar hian Serkawn lo thleng hman tura beisei a ni. Tin Upa. HL.Liantluanga, Mission Promoter pawh MP&MS Field inkhâwmpui hmanpuiin a kal a. He Inkhawmpui-ah hian mi 15 laiin Baptisma an chang tih report kan dawng. Pu Tluanga pawh tunkar hian Headquarters thleng hman tura beisei a ni.
Missionary damlo:
Pi Lalrinpuii (mapuii) A.P East field Kamba Missionary Zothanpuia nupui chu a naupai thla hnih a ni a,vânduaithlâk takin a tlu sual palh a, thi pûtin a awm zui nghâl a, Doctor hnaivai an awm mai loh avângin field Director-in an harsatna a hriat veleh Kamba lam pan nghâlin 14.5.2017 khan Pasighat lamah an hruai ta a ni. Hospital lamah in checkup zuina an nei nghâl a. |hat lam a pan zêl beisei a ni.
Missionary chhungkuaah thihna:
Khumulung-a kan missionary thawk lai Pu F.John Zonunsanga pa, Pu F. Biakzama chu Dt 14/5/2017 khan a boral a, a boral lai hian a fapa Pu John Zonunsanga hi khawhar taka in a nghah lai a ni. Hetianga missionary-te nu leh pa ruang pawh kîl hman lova an awm \hin hi an lainatawm \hîn hle, \awng\ainaah i hre reng ang u.
