Gongrai-ah Pathian hnathawh ropui:

BCM Lunglawn 'E' buatsaihin Gongrai khuaah Salvation Camping neiin mi panga an kal a, kar hmasaah khân St.James School-ah Gospel Meeting neiin, Pathian hnathawh a ropui hle a. Zirlai 460 laiin Pathian hnêna inpein, thlarau lam harhna chang zui nghâlin hun an hmang mêk a ni. Hêng sâwmna chhânga inpe te-ah hian ringlo mi pawh engemaw zât an awm a ni.  May 1-7,2017 chhûng hian Gongrai Kohhranah Salvation Camping hi buatsaih leh mêk a ni. Speaker-ah Upa RK Vanlalruata leh Rbt.K.Lalbiaklawma, BCM Lunglawn te leh mi dang pathum te an ni.

Mission Convention:

Serte Pastor Bial Mission Committee chuan May ni 5-7, 2017 chhûng hian Thuampui-ah Bial huap Mission Convention an nei dawn a, Speaker-ah Rev. F.Sangvela an hmang ang.