Thli leh ruah vangin harsatna tawk
April 19,2017 ruah leh thli thawk avâng khan BCM Mission Field Tripura Field leh Chakma Mission Pângtlâng lamah chhiatna a thlen nasa hle. Hêngte hi Thli leh ruahin a tihchhiatna hmunte chu a ni: 1) Sonarai a, kan missionary Sangtei Quarter sak thar luah mai tur chu a ti chhe vek a ni. 2) Dailong-a school in hmasa zâwk a chhe vek bawk. 3) Tângpui Biak In leh School a ti chhiain quarter sak thar Bathroom chung a la vek bawk. 4) Pângtlâng, Chakma Mission-a Biak In dinglai hman mêk chu Inkhâwm theih lovin thliin a nam âwn vek bawk.Mission Convention
#Kikawn Kohran chuan April 26-30, 2017 chhûng hian Rev. LB Khawpuimawia Speaker-a hmangin Mission Convention an nei mek.
#Lêngpui Pastor Bial Mission Committee huaihawtin Lengpui Kohhran-ah April 29-30, 2017 chhung hian "Tho la êng rawh" (Isaia 60:1) tih thupui hmangin Mission Convention an nei dawn a. He Convention-ah hian Upa HL. Liantluanga, Mission Promoter chu speaker a ni ang. Speaker hi Tv. Buanga leh Nl Zoremi, Lungsen ten an tawiawm bawk.
#Tuipui ‘D’ Kohhran pawhin April 28-30 chhung hian Mission Convention & Consultation an nei dawn a, Head Quarters atangin Rev. B. Lalrinawma, Mission Coordinator leh Nl Esther Zothansangi, Missionary te an kal ang.
Work Camp
Tawipui ‘S’ Mission Committee bultumin Yakhilli School-ah April 17, 2017 atang khan mi 11 Work Camp-in an kal a, School-ah a tul ang ang thawkin an cham mek.
Dam lo
Arunachal Far East Field-a kan Missionary Pu C. Zaithanmawia Nupui Pi Lalruatfeli chu Mît (gall) bulah bâwk awmin a vûn hnan bawk a. He natna hi Mizoram lamah enkawl a buaithlâk deuh avângin Kolkata-ah referred a ni. A enkawlna atân hian a tlêm berah Nuaithum vêl sên ngai a ni a, a rang thei ang bera kal turin an inbuatsaih mek. Kohhran hoten i tawngtaipui ang u.
