Mission Field Account te Audit zawh fel a ni

May 2 atang khan Kolkatta leh Guwahati region hnuaia Mision Field hrang hrang Kolkatta leh Guwahati Regional Director Office-ah Audit neih a ni a. Mission Field Accounts Auditor te - Upa K. Lalrohlua, Fianace Director (Convener) hovin, Pi Angel Zairimawii, cashier Pu Michael Lalremruata, Cashier leh  Upa F. Lalzarmawia, Lunglawn ten Audit hi an nei a ni.

May ni 2 – ni 5 chhung khan Kolkatta Region hnuaia Mission Field te Audit a ni a, May 8 atanga ni 10 chhungin Guwahati Region hnuaia Mission Field account te Baptist House-ah Audit hi an neih chhunzawm leh in tluang takin an zo thei a ni.

MISSION CONVENTION

May 5-7 chhung khan Pastor Bial leh Tualchhung Kohhran hrang hrangah Mission Convention neih a ni.

#Lawngtlai North pastor Bial. BCM Salem, Lawngtlai-ah “Dak ulang, lote en rawh u” (Johana 4:35) tih thupuia hmangin Bial Mission Convention an nei a, Speaker-ah Rev. Dr. R. Lalthanmawia, AGS Mission an hmang. Zirtawp zan, Pathianni zan thengin Pathian biak Inkhawm neiin Speaker hnen atangin thuchah ngaihtthlak thin a ni a, inkhawm apiangin Zaipawl leh mimal zaithiam hrang hrang te Pathian fakna te, Bial leh Tualchhung Kohhran Mission rawngbawlna report te ngaihthlak thin a ni bawk. Pathinni chawhnu ah Mission puala inpawlhona neiin, Mission rawngbawlnaa hmasawnna tur te sawihovin, zawhna leh chhanna hun te hman a ni bawk.

#Hermon Tualchhung Kohhran, Theiriat chuan Rev. Lalremsiama Ralte, Mission Director Speaker-a hmangin Mission Convention an nei a. Zirtawp zan atangin Inkhawm neiin, Pathiani chawhnu-ah Mission pualin inpawlhona neih a ni a.  Speaker bakah hian Tualchhung Kohhran atangin zaipawl leh mimal zaithiam ten rawngbawlna an nei bawk.

#Sethlun Kohhran chuan Pu T. Nghaksanga, Mission Promoter Speaker-ah hmangin Mission Convention hi an nei a, Speaker hi  AICS a Missionary Training lai mi 2 leh MP & MH a thawk missionary 2-in an  ṭawiawm a, an thawhna chanchin tlangpui report te an pe a ni. Heng bakah hian Inkhawm apiangin Zaipawl, Group zai leh mimal zaia rawngbawlna ngaihthlak thin a ni bawk. Pathianni chawhnu-ah Mission pualin Inpawlhona tha tak neih a ni a, Mission rawngbawlna report bakah zawhna leh chhanna hunte hman a ni.

#Lunglawn Kohhran Rev. R. Lalnunzira, AGS Service Speaker-a hmangin Mission Convention an hmang a, Convention thupuiah “Lo chu khawvel a ni” tih thu Mathaia 13:38 an hmang hmang.  Zirtawp zan atangin Pathianni zan thleng hun hmangin, Speaker thuchah bakah Zipawl leh Groupo zai te a awm thin a, Speaker hi Missionary pahnih - Nl. Pricilla Vanengmawii Misionary (AICS-a Training tur te) leh Nl. R. Lalhriatkimi (Tete-i), Volunteer Missionry Arunachal West Field, Zero-a thawk te leh BKHP Serkawn Unit atangin Group zaia rawngbawlin an tawiawm bawk. Pathianni chawhnu-ah Mission pualin inpawlhona neih a ni bawk.

#Zotlang Pastor Bial, Aizawl BCM Biak In, Zotlang, Aizawl-ah Bial huap Mission Convention an nei a. Speaker-ah Bialtu pastor Rev. RC. Lalthanzama an hmang.  Inrinni zan atanga Pathianni zan-ah te Pathian Biak Inkhawm neiin, Speaker hnen atangin thuchah ngaihtlak a nih bakah Bial Zaipawl leh Kohhran Zaipawl hrang hrang ten fakna hla an rem a, Zaipawl bakah Male Voice, Group zai leh Mimal zai te ngaihtlak a ni bawk. Pathianni chawhnu-ah Mission pualin Inpawlhona neih a ni a, Upa R.Thankima, Chairman, Bial Mission Comtt.in kaihruaiin, BCM Mission leh Bial leh Tualchhung Mission hmalakna hrang te sawihovin zawhna leh chhanna hun te hman a ni bawk.

#Luangmual Pastor Bial, Aiz^wl. BCM Biak In, Chawlhhmunah  Rev. F. Sangvela, Speaker-a hmangin Mission convention hi an nei a,  Zirtawp zan, Inrinni zan leh Pathianni zing leh Pathianni zanah te Thuchah sawiin, Inrinni chhunah Mission Consultation hmangin Upa Laltlankima Hnamler in hun a hmang a, Pathianni chawhnuah Mission pual Inpawlhona nei in Upa Dr Andrew Lalhmangaiha'n paper a buatsaih chu zirho a ni bawk. Convention chhung hian Inkhawm apiangin Zaipawl leh malzai te awmin hlung takin hun an hmang a ni.