#Bengal Field tlawhin Mission Director a kal.

March 21-29, 2023 chhung khan Bengal Field huam chhunga Mission Station leh Missionary te tlawhkualin Rev. Lalremsiama Ralte, Director, Mission Department chu a kal a. Bengal Field Director Rev. H. Lalengmawia’n lo dawngsawngin Field chhunga Mission hmun te tlawhpuiin, Missionary te nen inkawmhona an nei. March 25 (Inrinni) khan Missionary te Pualin Birpara, Mission Compound-ah Birpara Area-a Missionary te Retreat a neihpui a. Retreat-ah hian thawktu mi 15 an tel a ni.  Mission Director hian Jaigaon, Bhutan Field leh Dipsing Academy, Assam Field pawh a tlawh tel nghal a ni.

#Bru Mission leh Chakma Mission-a Missionary te tlawhin Mission Promoter a kal.

Pu T. Nghaksanga, Mission Promoter chuan Ramchhunga Chakma Mission leh Bru Mission-a kan thawhna – Marpara, Damparengpui leh Dapchhuah te March 31-April 5 chhung khan a tlawh a. April 2 Pathianni-ah CBC Marpara-ah hun hmangin thuchah a sawi a, chawhnu lamah  Missionary te nen inkawmhona neiin, zan lamah BCM Marpara-ah hun hmangin thuchah a sawi. April 3 thawhtanni-ah Damparengpui tlawhin BBC Office, Damparengpui-ah thawktu ten lo dawngsawng in, zanah Missionary te leh BBC thawktute nen inkawmhona nei in hun tha tak an hmang. April 4-ah Dapchhuah tlawh in, April 5 khan Headquaters a lo thleng leh a ni.

#Upper Assam Field-ah March thla chhung in ringthar 19 an awm.

Upper Assam Field-a kan rawngbawlna ah March thla chhung khan ringthar 19 an awm a, heng ringthar te hi SDBA te nena kan thawhhona ah chhungkaw pakhat member 5 awmna leh MABA area a kan thawhna ah member 14 te an ni. April 1 khan MABA area ah hian ringthar mi 2 an awm bawk. 

Upper Assam Field ah hian March 23-24 chhung khan SBA area-ah Doba Pastor Bial inkhawmpui neih a ni a,  Pu Lalrindika, BCM missionary chu speaker ah hman a ni. March 28 khan BCM in kan thawhpui UMBC hruaitu inthlanna neih a ni a, Field director leh missionary ten inthlan hi an neihpui a ni. Tin, a vawikhat nan MABA zaipawl missionary Pu C. Lalramnghaka kaihhruaina in din a ni a, hei hi an kohhran chachina thil pawimawh tak ni in, kohhran hote pawh an phur hle a ni.

#Misisonary Furlough Programme hmang mek te.

Pu Lalthlanawma – Basar, Arunachal W Field a thawk chuan  March 15 atang khan – Thingsai Pastor Bialah Furlough Deputation Programme hmang tanin, April  15 atangin  Siaha West Bial-ah hun hmang lehin April 22 atang a May 7 thleng  Zawlnuam Pastor Bial chhung Kohhran te tlawhin hun a hmang leh ang.

Pu K. Lalchungnunga – Dipsing Academy, Mendavari, Assam Field-a thawk a ni a, April 1-2 khan Lungchem Pastor bial ah hun a hmang a, April 22-30 chhung Ramhlun Pastor Bial ah hmang leh in, May 3-10 chhungin Mamit Pastor bial a tlawh ang.

#ṬKP Leite Pator Bial ten Ngahlimluiah Work Camp an nei.

ṬKP Leite Pator Bial chuan Bial Rorel bawhzuiin,  March 27 atanga - April 3, 2023 chhung khan Baptist Misson School - Hermon Comprehensive High School, Nghalimluiah Work Camp an nei a, mi 27 (Mipa 23 leh Hmeichhia 4) an kal.

Workcamp ah hian School Assembly Hall tur sak bul ṭan nan hna thawh a ni a, hun hlimawm tak hmangin workcamp a kal ten hlawk thlak an ti hle a ni.