Kuminah Ringthar 3344 nei tawh Kum 2016, January-October chhunga Mizoram Baptist Kohhran Mission Field hrang hranga ringthar Baptisma chang report kan hriat theih chin chu an vaiin mi 3344 an ni a. Kohhran thar 18 leh Fellowship 28 din belh a ni bawk. Heting hi Mision Field hrang hrang-a ringthar kan neih dan report chu a ni:-
Baptisma chang thar:
Tripura Field-a kan Missionary-te Outreach programme kal zelah October 30, 2016 (Pathianni) khan Duptoli School, Tripura Field a School naupang mi 15 te chuan Baptisma an chang thar a. He mi bâkah hian Hodarai-ah Jamatia chhungkaw khat leh Khumpuilung-ah Jamatia chhungkaw khat, member 5 awmna ten Baptisma an chang thar bawk a ni.
He lai hmun hi kristian nek natna lai a nih avangin Khumpuilunga mi hian an chhungkua Baptisma an chan thar hi a tam thei ang berin hria se an duh a, chuvângin tlai lamah an khuaa kristian zawng zawngte tan ruai a theh sak a ni.
Mission Convention:
BCM Salem chuan November 4-6, 2016 chhung hian Upa HL.Liantluanga, Mission Promoter Speaker-a hmangin Mission Convention a an nei dawn.
Missionary furlough:
Nl. F.Lalsawmliani E/T Birpara chu Furlough Deputation-in a lo chhuak mek a, November 3-6 chhung hian Ramhlun Pastor bial chhungah furlough programme hmangin rawngbawlna a nei ang.
Missionary Field tlawh
Electric Unit BKHP, Lunglei-te chuan tunkar Pathianni hmang hian Ziro Area, Arunachal west field an tlawh dawn anaktuk November 4,2016 hian Lunglei an chhuahsan ang. An tum dan chuan karleh thawhlehni hian Field chhuahsanin lo hawn leh an tum a ni.
Work Camp:
#Kikawn Kohhran chuan November 4-11,2016 chhung hian Lalmati Assam Field-ah Missionary Quarters repair hna thawkin work camp an nei dawn a, member kal zat kan hre chiah lova, hnathawh bakah Pathianni leh zan lamah thu leh hla-a rawngbawlna an nei nghal dawn a ni.
Annual Pastor Fellowship
Arunachal West Field-a kan thawhpui Nyishi Baptist Church Council huam chhunga Pastor-te tan November 4 – 6, 2016 chhung hian Annual Pastor Fellowship Leporiang-ah an nei dawn. Hetah hian Rev.C.Lalrochama, Field Director chu Speaker-a ni ang. NBCC huam chhungah hian Kohhran 461 awmin Pastor bial 48 an nei bawk. Arunachalah hian Kristianna hian nasa takin hma a sawn a ni. Hetih lai reng hian Thlarau Thianghlim-a harhna erawh an la chang lo a ni.
