# Hmarchhak Nu-ho Inkhawmpui – Pasighatah: October 14 – 16, 2016 chhung  hin Pasighat, Arunachal East Field-ah  North East Baptist Women Fellowship  Conference (NEBWF) neih a ni dawn a, India hmar chhak hmun hrang hrang atangin Mikhual thahnem tak an lo kal dawn a ni. He Inkhawmpui atan hian Arunachal-a kan Missionary te pawh an buai hle. Inkhawmpui hlawhtling tak an neih theih nan i tawngtaipui ang u.

#SSBA-TKP Inkhawmpui:

Bijoynandi, Tripura Field-ah October 13 – 16 chhung hian  Saisawm Sazai Baptist Association TKP chuan “Isua Krista Ram leh Hnam Damna”. Tih thupui hmangin Inkhawmpui an hmang dawn a,  Speakerah  Rev.Dr. R. Lalthanmawia, Asst.Professor,  AICS  chu hman a ni ang.

# Furlough hmang zel:

Rev. Marina Renthlei, Thailand-a thawk mekte chhungkua chuan an furlough Progamme a hmang chho zel a, Lunglei khawpui Kohhran engngemawzat an tlawh hnu-ah tunkar October 12-16 chhung hian Lawngtlai South Pastor Bial-ah a hmang leh dawn a, (Pathianni zing)-ah Lawngtlai Bethani Kohhranah hun an hmang ang a, zan lamah Chandmari Kohhran-ah hun a hmang bawk ang.

# Mission Convention:

Rev. B. Lalrinawma, Mission Coordinator chu October 12-14, 2016 hian Tlabungah kalin Tuichawng , Chawnpui, Kawrpuichhuah leh Noonsuri –a kan mission rawngbawlnate tlawhin a thang mek a. October 14-16, 2016 –ah  Mahanaim, Lungsen-ah Mission Convention a neih pui nghal ang.