Ramthim Ni thawhlawm - Ramthim Biak In sak nan
Mizoram TKP chuan kumin TKP Ramthim Ni thawhlâwm tlingkhâwmin Sikkim Area, West Bengal Field-a Baptist Church of Sikkim (BCS) Tinkitam Biak In a sa dâwn a. MTKP-in a châk (material) tûl zawng zawng a tum ang a, kut hna (manual works) erawh hnatlânga a ram mi ringtute thawhtîr a, an kutkawih ngeia Pathian Biak In dintîr tum a ni.
Music Training nei:
Lawngpuighat Circle, Chakma Mission te chuan an circle huam chhung pualin ni 22.8.2016 khan Music Training, M. Kawnpuiah an nei. He programme hian a tum ber chu Music hmanga Pathian fak leh chawimawi a ni.
Lunglawn East Kohhran thilpek
Lunglawn East TKP te chuan Zawlpuia Chakma Biak In sak mek tanpui nan Rs.10,000/- (Cheng singkhat) an pe. Tin, Bhangpur Kohhran, Tripura Field te outreach programme neihna tur atan pawh ` 6,000/- an pe bawk. Anni hi Arunachal Far east-a krismas hmang turin an inbuatsaih mek bawk. Hemi rual hian Namlyang (Arunachal) Kohhran Golden Jubilee lawmna an hmanpui dawn bawk.
Native Worker chawm
Chaltlang Unit TKP te chuan kuminah hian Mission Field-a rawng kan bawlnaah Native worker an châwm mêk a. Hetiang rawngbawlna kal tlang hian thlarau bo ten Lal Isua an hmu zêl a ni.
