#ZBMS, Birpara-in NOC hmu

Hun rei tak kohhranhoten kan tawngtaisak thin chu a hlawhtlinna kan hmu ta. CBSE Permanent Affiliation tihna tur No-Objection certificate (NOC) chu W. Bengal sawrkâr  atangin ZBMS, Birpara chuan an hmu fel ve ta a, Pathian hnenah lâwm thu sawi chungin Permanent Affiliation an hmuh leh thuai theih nan I tawngtai zel ang u.

#Mission Convention

Tunkar zirtawp zan atang hian Lungpuizawl Kohhran chuan Upa HL.Liantluanga, Mission Promoter Speaker-a hmangin Mission Convention an nei dawn a, Pathianni zanah an tiak ang. Speaker hi Nl. Jubilee Lalhlumawi’n zaiin a tawiawm ang.

#Baptisma chang

July 31, 2016 khan Non mizo Mission Lunglawn Area-ah mi 4 te Lunglawn Bialtu Pastor Rev. Lalthangliana’n Baptisma a chantir. Kumin January atanga July thlenga Non-Mizo mission rawngbawlna atanga baptisma chang zat 51 an ni ta.

#Exam zo ve ta

Church Music Training Centre (CMTC) Naharlagun, Arunachal West Field-a zirlai mipa 6 leh hmeichhia 2 te chuan Mid-Term exam an zo fel ve leh ta. Arunachalah hian Music hmanga rawngbawlna hi a tangkai hle a ni.

#Missionary dam lo Nl C Zorempuii E/T, BMS Tuichawng, chu Christian Hospital-ah a awm mêk a, awngaipui ang u.