#Bhutan-ah Biak in hawng dawn
Butan Field a Mizoram baptist Kohhran kutkawih, Biak in hmasa ber, Bazor khua Samrupjongkhar Dist. ami chu June ni 25, 2016 khian Rev Joseph Vanlalruata, Regional Director-in a hawng dawn ta. He Biak in hmun hi Rev.KD Siamliana te chhungkua, Saron veng, Aizawl ten an thawh(donate) a ni a. Kohhran hote tawngtaina leh thilpek hmangin sak a ni.
Bhutan Field Director chuan BCM hma laknaa Bhutana Biak in hmasa ber a lo din theihna tura, thilpek leh tawngtaina hlantu zawng zawng te chungah Pathian leh Kohhran hmingin lawmthu a sawi a ni.
#Mission Convention:
June 17-19 chhung hian Lawngtlai Lawngtlai East Pastor Bial chuan Vengpui Kohhran-ah Bial huap Mission Convention an hmang mek a. Spoeaker-ah Rev. F. Sangvela Speaker-a hmangin Nl CR Laldingliani’n a tawiawm bawk.
Mission Board Meeting:Tunkar ningani , June 16, 2016 hian Mizoram baptist Kohhran Mission Board Meeting, BCM Committee Room-ah neih a ni a. He Meeting-ah hian Missionary hna dil interview neih niin chanchin kan ziak lai hian tute nge an lak kan hre hman lo. Missionary thawk lai te upgrade-na tur post pawh hnawhkhah a ni bawk ang. Missionary interview bakah hian agenda engngemawzat an neih tel avangin Committee hian zan lam thleng a awh rin a ni.
