Missionary Furlough : Pi Sangdingpuii, Evangelist Nurse Tripura Field a mi chuan Republicvengthlang Bialah furlough programme a hmang mek a, Vawiin-ah ITI Kohhran-ah hun hmangin  zan lamah Bethlehem Kohhran-ah hun a hmang leh ang.

Mission Convention: Kan hriat theih chinah a hnuaia tarlan ang hian tunkar chhung hian Pastor Bial/Tualchhung Kohhran hrang hrangin Mission Convention an nei dawn:-

#Muallianpui Pastor Bial chuan ‘Lit thûk lam pan la” Lk 5:4 tih thupui hmangin  Mission Convention tunkar Zirtawp zan atang khian an hmang dawn a.  Upa HL Liantluanga, Mission Promoter Speaker-niin, Mission Board member Upa Taithanga leh Upa C.Lalramhluana bâkah Nl. Lalhlumawii ten an tawiawm ang.

#Bawngkawn Pastor Bial pawhin tunkar Zirtawp zan atang hian Bawngkawn Kohhran-ah Bial Mission Convention an hmang dawn a. Speaker atan Chakma Mission area atangin Pi Saizami Sailo, E/T (CBC Chawngte), Nl.Zodinthari E/T (Tuikawi) leh Pro.Pastor Rupentu Chakma, (CBC Tuichawng)te an ni ang. Convention hi Pathianni zanah an tiak ang.

#Goshen Kohhran, Electricveng pawhin hemi hun chhûng vêk hian   Rev.B.Lalrinawma, Mission Coordinator speaker-a hmangin Mission Convention an nei  dawn bawk a. Pathianni zanah an tiak ang.

#Zotlang Lunglei pawhin hemi hun chhung bawk hian Mission Convention an nei dawn a. Speaker-ah Rev. Dr. C.Vanlaldika AGS i/c Mission an hmang ang.

#Tuiphai Pstor Bial chuan June 4-5 khan Chawngtui Kohhran-ah Bial huap Mission Convention vawi hnihna an hmang a, Speaker-ah Rev. C. Vanlaldika, AGS i/c Mission an hmangin an hlim hle.