Mission Promoter-Term hnihna hmang dawn

Mission Committee chuan Mission Promoter thar atan tuna ni lai mek, Pu HS. Lalhmingthanga chu a ruat thar leh ta; Mission Promoter term hi BCM hruaitu dangte term ang thovin kum thum azel ni.  

Cambodia ramah BCM

Tun hnaia Mission Committee chuan Cambodia rama Missionary tirh a rel a; Executive Committee-ah  thutawp la siam tur a ni.

 Baptistma chang thar 36

Tun hnaiah heng hmun hrang hranga kan mission rawngbawlnaah te hian baptisma chang thar Baptist Today -in kan dawng. North India Mission, New Delhi bialah 15, Lalkura khua, Assam Bengal field-ah 13, New Sachan (Mizoram chhung) ah 8; an vaiin 36 an ni.

Mission Convention

Diltlang pastor bial chuan Diltlang Biak inah August 17-19, 2012 chhung hian Mission Promoter, Pu HS. Lalhmingthanga hovin Mission Convention an nei dawn a; zaithiam Bethsy Lalrinsangin a tawiawm ang. Theiriat Bial TKP pawhin kar hmasa August 10-12 khan Luangmual Biak inah Rev. Lalthanzauva hmangin Mission Convention an nei.  

Damparengpui-ah  Gospel meeting

Damparengpuia kan School chuan August 17-19 chhung hian Gospel Meeting an nei dawn a. Speaker atan Rev.C. Vanlawma, Lunglawn bialtu pastor an hmang ang.

  Missionary ten an thawhna hmun pan tan ta

Kar kal ta Pathiannia Kohhranten kan tirhchhuah Missionary te chuan an thawhna tur lam an pan tan ta. Tun thla chhung hian an thawhna hmun tur thleng kim vek hman tura beisei an ni. Lalpan kan missionary-te malsawm zel rawh se.