MP & MS Field Central India chuan Inkhawmpui pawimawh tak an nei dawn a. He khawmpuiah hian Mission Co-Ordinator Rev. B. Lalrinawma chu Speaker niin, Inkhawmpui thupui -ah ‘Krista Rilru’ tih a an hmang ang. May 3, 2016-ah Lunglei chhuahsanin May 12-ah rawn thlen leh a tum a ni. A cham chhung hian Field lam pawh a tul angin a tlawh kual bawk ang.
#Mission Convention :Thingfal Pastor Bial chuan “Nangni chuan Hlau suh u” (Mt 28: 5) tih thupui hmangin Mission Convention an nei dawn a, Upa HL.Liantluanga, Mission Promoter chu Speaker a ni ang.
#Tripura Gorjee lamah:Gorjee, Tripura Field-a Tailoring Institution tana Instructress hna thawk turin Nl.J.Ramngaihzuali D/o J.Lalrinfela S.Vanlaiphai khua tuna Chaltlang Aizawl-a, Puanthui hna thawk mek chu tunkar chho hian Missionary hna thawk turin Tripura a pan dawn ta.
#School faiah thlang:Mamit District-a School fai thlanchhuah zingah BCM.Comp. H/S Damparengpui chu pahnihna an ni. Hetiang taka BCM School invawn felna School an ni hi a lawmawmin, an entawntlak hle.
#Missionary Furlough :Andaman & Nicober Island-a thawk mek Pu F.Lalsangzuala chu chhungkua-in furlough deputation programme hmang turin an lo chhuak ta. A ni hi Headquarters lamin hengahte hian Furlough Programme an siam sak -
Phawngpui North Pastor Bial - May 4 – 8, 2016,
Thenzawl Pastor bial - May 11– 18, 2016
Lunglawn Pastor Bial - May 21– 29 , 2016.
