#Rev. Lalmuanzuala te chhungin Myanmar pan:

BCM in Pathian ram zau zelna tura a hmalakna kal zelah Mission Field thar - Myanmar (Burma) ram Akyap hmuna missionary hna thawk turin Rev. Lalmuanzuala te chhung (A nupui leh an fate 2) chuan Nilaini, January 27 khan Lunglei chhuahsanin chhim lamah an kal a; January 30 hian Saihaah hun hmangin kar leh lamah chuan Akyap hmun hi thleng tawh tura beisei a ni.

#  Missionary Refresher Training  :

Bethel Baptist Mission School, Dhubri-a missionary te chuan Febuary 1-7, 2016 hian Refresher Training an nei dawn a; he hun hmanpui tur hian Upa HS. Lalhmingthanga JBS Lecturer a kal.

# Inspection Team-in tlawh dawn: Arunachal West field-a Midland Education Centre, Ziro chu CBSE Inspection team-in January 29, 2016 hian an tlawh dawn a, kan mission school hian CBSE a zawm ngei theih nan i tawngtaipui zel ang u. # Work Camp: Lunglawn BMP (Member 18 vel) chuan Jharkhan field-a inkhawmpuia ei rawng bawl tur leh chu mi hnua Biak in saa workcamp nei turin January 25 khan an kal. # Puan thui zirna: Assam field, Dhubri Area-a Lalkura khuaa Tailoring Centre chu February 6 (Inrinni) khian field Director, Rev. PC. Lalnunziran a hawng dawn a. He Centre-a zirlaite kum khat chhung puanthui zirtir turin Nl. Esther Lalrinpuii, Lunglawn a kal dawn.