Mission Coordinator Thailand-ah
Mission Coordinator, Rev. B. Lalrinawma chu Thailand-a kan missionary te tlawh kualin a zin dawn a; October 19-ah Aizawl chhuahsanin a hun tawp lamah APBYF inkhawmpui a chhim ang a; October 27-ah a lo let leh ang.
Leadership Training & Feh chhuah
Tuichawng bial chhunga Chakma Kohhran hruaitute pualin October 16 khan Missionary Pu HC. Lalhmunlianan hovin Leadership Training an nei a. MP & MS field pawhin October 18-19 hian Native worker te leh Kohhran hruaitu hmeichhiate pualin Leadership Training an nei dawn.
Tunkar Pathianni hmang hian Lungsen Mahanaim Kohhrante chu Serhuan Kohhran tlawhin an feh chhuak dawn bawk.
Ringthar Baptisma chang
#Pathianni hmasa October 11, 2015 khan Lwkhi Bazar,Boro Area, Assam Field-ah chhungkaw khat member panga leh Nula Pakhat, an vaiin mi paruk te chuan dam chhunga Krista hnung zui tawh turin an rinna puanchhuahna Baptistma an chang leh ta. Kohhran ho te tawngtaina chhanna Lalpan min la hmuh tir a,kan lawm hle a ni.
# 
September 27, Pathinni zing khan kohhran la awm lohnaa khua, Nareng Kami, Tripura Field-ah chhung kaw pakhat member 5 (Nu leh pa leh an fapate 3) chu an pathian hluite kalsanin Lal I sua hnen an rawn pana Baptisma an chang bawk. Kohhranhote thawhrimna leh tawngtaina Lalpa'n a chhang zel Lalpa chu fakin awm rawh se.
