BCM Mission department kaltlangin Arunachal, Tripura leh Tuichawng-a, thawk tura lak thar mi pathum - Nl.C.Zohmingthangi, D/o C.Vanlalsanga Chhipphir Evangelist Nurse, Nl.Laldikkimi Khiangte, D/o K.Zoenga Theiriat leh Nl.Lalrintluangi, D/o B.Vanlaldula Thingsai-te chuan Orientation an nei mek a, Orientation hi karleh Zirtawpni thleng an nei ang. May ni 31, 2015 (Pathianni) hian Missionary atan tirhchhuah an ni ang.
Tlai khaw hnua thu kan dawn danin CHAKMA Missionah ringthar mi 5 ten pastor Jomadon-a kutah Baptisma an chang. Tin, Mising Area, Arunachal west Field-ah hian Sunday tin deuh thaw Baptisma chang thar an awm tih report dawn a ni. Kumin chhung hian mi 30 chuangin Baptisma an chang tawh. Lalpan a chhiahhlawhte hmanga a ram a zauh zel hi a va ropui thin em.
Missionary leh an chhungte Damlo:
Missionary thawklai leh an nupui fanau heng ahnuaia tarlante hi damloh avanga inenkawlmekte an ni a, kan tawngtaipui thiam theih nan kan han tarlang a ni:-
1)Pu.F.H.Lalfala BBS Chawngte-a thawk lai Nupui Pi Biakiangi chu nghawngpuar zai hmabakin Christian Hospital Serkawnah a awm mek.
2).Pu.J.Lalrinawma Evangelist Jharkand fanu Nl. Ruth-I pawh ril phir zai niin CHS-ah a awm mek bawk. Mission Field lam a bik takin Chakma mission-a kan missionaryte malaria kal runpui lai a ni a, an damtha vak hlawm lo tih report kan dawng bawk.
3)Pi.H.Laltlanmawii H/M, BMS,Tuichawng fanu damdawi ina awm pawh Dt.18/5/2015 khan CHS atangin an chhuak ta bawk. Full recovery a chan ngei theih nan I tawngtai ang u.
4) Nl. Mary Hnamte, Kenya-a thawk pawh Pum lam that lohna neiin June thla lai hawl vel hian zai a ni dawn bawk.
Zirtirtu mamawh:
Mount Olive School, Debitol-ah hman hmawh takin Volunteer-a zirtirtu hna thawk tur mamawh a ni a, rawngbawlna-a ngaia inpe kan awm chuan Principal Pu.J.Lalsawmliana phone no 9615430428-ah hriattirin, biak nise a lawmawm hle ang. Debitola hi, Assam Field hnuai a, awm Rabha area a ni.
Bangladeh Miria zingah :
Empu, Miriate zing a, kan Missionary thawk lai, Pu Lalruatkima hnen atanga kan dawn danin, Kumin January atanga May inkar chhung hian mi 10 chuang ringthar an neih thu dawn a ni.Tin, Sonba khua Native evangelist awmna hmun -ah ringthar Baptistma chang tur mi tha hnem tawk tak an nei bawk. Eden Child Hostel Empu-ah tunlai tak hian hostellerte zingah Malaria avanga damlo mi 5 an awm bawk. Shanti Bhahini (Chakma hel) ten ram mut an thar thawh leh ni awm tak a ni a, Empu bul maiah hian inkhuarin an awm a, an demand area-ah kan missionary-te hi an awm a, eng harsatna mahin a tlak buak lohna turin tawngtaipui an mamawh hle bawk. Kan missionaryte hian Rumbet khuaah awmlo atanga Biak In sak tum a ni, an mamawhte Pathian hnenah dil pui turin chhiartu zawng zawngte min ngen.
Indonesia Kal nan VISA:
Mazuala leh Tete-i Indonesia a, kan thawktute chhugnkua pawh furlough programme an hman zawh tawh hnuin Lunglei lamah an la cham rih a ni. Indonesia kal lehna tur Visa an la hmuh leh rih loh a, Visa hi an hmuh thuai theih nan i tawngtaipui zel ang u.
Mission Convention:
May 22 - 24, 2015 chhung hian hengahte hian Mission Convention neih a ni dawn;
1. ZPMBK Pastor Bialin Madanritingah Speaker; Rev.Dr.K.Lalrinthanga AGS i/c Mission.
2. BCM Lunglawnin an Biak In-ah Speaker: Pu.J.Lalrinawma Evangelist Jharkhand.
3. S.Vanlaiphai Pastor Bialin BCM.S.Vanlaiphaiah Speaker tur hi an bial huam chhunga missionary tanglaite sawm an ni a, hengte hian hun an hmanpui ang.
Upa HL.Liantluanga, Mission Promoter,
Pu.H.Lallunghnema, E/T Hruitezawl,
F.Rorelliana, E/T Belpei, Joseph
Lalbiaksiama, E/T Marpara ‘S’
Nl.K.Lalrinkimi, E/T Samuksuri
Pi S.Lalfakhluni, E/T Belpei leh Volunteerte nen.
Tin Mission Co-ordinator Rev.B.Lalrinawman Hnahthial North leh South Bial huap ten Church Growth Seminar Sunday hian a hmanpui bawk ang.
