Non-Mizo Crusade : November 27 – 29, 2014 chhung hian Lunglawn kohhran chuan Lunglawn Area chhunga Non-Mizo te Crusade an buatsaihsak dawn a. Speaker chu Pu NB Lalchhanhima, Prabhu Samachar Samiti Speaker a ni ang. Area Bialtu Pu Girish Murmu leh Prabhu Team ten an pui ang. Hnam dang helai vela hnathawka awm te hi Lal Isua hnena hruai an nih theih nan, i tawngtaisak ang u. Mission Consultation : November 15, 2014 (Inrinni) hian Lunglei ‘S’ ABC huam chhunga Pastor Bial 4 – Electric, Chanmari, Lunglawn leh Theiriat chhunga Bial Committee members, Bial Mission O.B te leh Tualchhung kohhran Mission O.B te chuan Chanmari kohhran Biak in, Lungleiah Mission Consultation an nei dawn. Mission hotu ten Papers ‘present’ leh reports pein, sawihona hun an hmang. Mission rawngbawlnaa malsawmna thar a nih theih nan, tawngtainaah i hlan ang u. Missionary Furlough : Kan Missionary Furlough programme hmang mekte chu : 1) Pu ZD Lallungmuana – November 23, 2014 thleng Serchhip Bialah 2) Upa Lalmuanpuia – November 16, 2014 thleng Haulawng Bialah 3) Nl. Eunice Lalrinpuii – November 12, 2014 thleng Bungtlang ‘S’ Bialah, November 26 – Dec. 7, 2014 thleng Zawlnuam Bialah hun an hmang ang.   Mazuala programme : Soth East Asia-a chhungkuaa rawngbawla thawk, tuna India rama Furlough hmanga lo haw Pu Mazuala te chhung chuan, Bandung khawpui atanga Global Interaction, Australia (GIA) in thawk tura an tihna Sulawesi thliarkara an luh theih nan, Cashew-Nut chingtute zinga rawngbawl theih dan kawng remchang a dap mek a. Cashew-Nut chin dan Diploma Course zir a, chumi hmanga an Target thliarkar hi luh dan an ngaihtuah a ni. Mizoram chhungah pawh Furlough programme an hmang ang. Tripura Field tlawh :

cialis soft tabshttp://viagra24pharmacy-canada.com/http://viagra24onlinepharmacy.com/cheap-eriacta-brand-price/buy cialis from online pharmacy

1) November 12, 2014 hian Venglai Unit BKHP te chu Tripura Field fang turin an chhuak a, Pu B. Laltlanzauvan a hruai. 2) November 18, 2014 hian Chawngte Pastor Bial chu Tripura Field tlawh turin an chhuak dawn a. Missionary Furlough hmang zo Nl. Zohmingthangi Khiangtein a hruai dawn. Zohmun Chakma Camping : Lunglawn kohhran chuan November 20 – 23, 2014 chhung hian Zohmun Chakma kohhran chu Salvation Camp an neihpui dawn. Speaker chu CBC Pastor Jamadon a ni ang.Zohmun hi Tlabung thlen tirha km. 13 vel pen ngai, Uiphum tlangdung tawn tirha Chakma khua, BCM Primary School neia kohhran kan enkawlna a ni. Pu F. Lalhumliana te chhungkua leh Pu H.C. Lalremkunga te chhungkua an thawk a ni. Camp hlawhtling tak an neih theih nan, i tawngtaipui ang u. Nyishi Kristian Hla Bu : BCM Missionary te thawh rah duhawm tak Arunachal West Field-a hnam lian tak Nyishi Kristiante hman tur Pathian Fakna Hla Bu – Tonic Solfa awm leh awm lo chu, Pathian ropui nan ‘release’ a ni ta. Nyishi hnam za zela 80 dawn lai hi Kristian an ni tawh a; min ngen angin BCM Missionary te hian Music rawngbawlna hmangin kan pui mek a ni. Naharlagun-a Nyishi Baptist Church Council (NBCC) Compound-ah khuan Church Music Training Centre pawh kan nei tan a ni. Pathian hnenah lawmthu i sawi ang u. Tuichawng Camp : 1) November 19 – 23, 2014 chhung hian Chakma Baptist Church (CBC), Tuichawng chuan Salvation Camp neiin, Speaker atan CBC P/Pastor Lalrinsanga an hmang dawn. 2) November 27 – 30, 2014 chhung hian CBC Zero, Tuichawng chu Ebenezer kohhran, Zobawkin Camp an buatsaihsak dawn a. Tuichawng Area Team-te hman an ni ang. Thlarau Thianghlim hnathawh i dilsak ang u.