Lungleiah Non Mizo Kristian 497 awm
BCM Mission Coordinator-in tunhnaia Lunglei khawpui chhunga Non Mizo rawngbawlna atana inchhiarna a buatsaiha a lan danin Lunglei khawpui chhungah Non Mizo 1801 an awm a; an zinga 497 chu kristian an ni. Sakhaw dangte chu Hindu 724, Muslim 449, Buddhist 118 leh a dang 13.
Mission Convention
Missionary Sunday denchhen hian heng a hnuaia tarlan ang hian Mission Convention neih a ni hlawm:
Serkawn Kohhran chuan Rev. Lalthanzauva, Thailand Missionary retired Speaker-a hmangin June 27-July 1 thleng hian Mission Convention an nei mek. Thupui atan “Kei hetahi ka awm, mi tir ta che” tih an hmang. Speaker bakah hian Missionary thawklai - Pu HC Lalhmunliana, Pu N. Buatsaiha, Pu ZD Lallungmuana leh Pu Ngurthankhuma Sailo te an thawhna report pe turin an chah chhuak bawk.
Lawngtlai East bial Immanuel Biak inah Speakers atan Circle tin aangin pakhat heuh thlang chhuakin hengte hi an hmang. Nl. K. Lalrinkimi, Tuichawng Circle. Pu LH.Ngurchhawna, Marpara Circle. Nl.K. Lalrinzuali, Lawng-puighat Circle leh Upa Ch. Hminga, Chawngte Circle.
Bawngkawn Pastor bial huapin Bawngkawn Biak inah Zirtawp zan atangin an a ni a. Speakers atan Rev.F. Sangvela (ES), Rev. Lalzarliana (TLM), Rev. H. Chalbuanga (Pensioner) leh Pu HS. Lalhmingthanga (Mission Promoter) te an hmang.
Republic Vengthlang Koh-hran pawhin Rev.F. Sangvela hovin nizan atang khan Mission Convention an tan ve bawk.
Nghalimlui Work Camp
Lawngtlai Nazareth Kohhran member 12 te chuan June 13-18 chhung khan Nghalimlui thawk-tute (Hostel Warden) Quarter sa-in Work camp an nei.
Baptisma Chang thar
Kar kal ta khan Non Mizo Evangelist, Pu Lalmuanawma leh a thiante rawngbawlnaah Non Mizo baptisma chang thar Sangauah 2, Lawngtlaiah 2 leh Chawnhuah 3, an vaiin 7 an awm.
North India Mission rawngbawlna
Rev. V. Laldingliana, FD, North India Mission, Delhi chuan U.P state thlang lama khaw 65 ah Chanchin Tha hril turin ruahmanna a siam a. Thawktu 3 awmsa bakah 3 an la thar. Helaia mihring cheng nuai 3 zinga 500 chauh Kristian an la ni. Simla-ah pawh hma an la tan a, thawktu 1 July, 2012 hian lak thar an tum. Tawngtaiin tan i lo lakpui ve ang u.
Missionary damlote :
i) Pu C. Lalremsanga chu a khel a na a, Kolkata-ah enkawl mek a ni.
ii) Tv. Lalremsiama pawh a thluak a vung a, Kolkata-ah enkawl mek a ni.
iii) Tv. Thangmawizuala, ET, Hmunthar chu Malaria Pv & Pf vangin Chawngteah enkawl mek a ni.
iv) Pi C. Lalrempuii, Rev. Lalrinmawia, Thailand nupui naupai mek chu a tha lo deuh va, Mizorama naute zai chhuahsak tura an chhungkuaa lo hawn an tum. Pathian tihdamna leh thlamuanna i dilsak ang u.
Mission Board meeting :
BCM Mission Board committee chu July 17, 2012 hian an thukhawm dawn a. Missionary dilte zinga 15 (sawmpanga) lak bakah, Agenda pawimawh tak tak – Cambodia-a Missionary tirh te, Mimal/ chhungkua/ pawlhova Mission worker chawm chungchang te an rel dawn. Kan Mission hotute tan Thlarau Thianghlim hruaina i dilsak ang u. Tawngtaina hmanga Pathian ram tizau theia kan la awm hi Pathian khawngaihna a ni tih hriain lawm chungin, thahnemngai takin Lalpa i au vang u.
