#September 25 – 27, 2014 chhung hian BMS Rotlang ‘W’ chuan Gospel Meeting (Salvation Camp) an nei mek a. Speaker-ah Pi PS Lalhmingthangi (Pi Hmingtei), B.D, MBKHP Organiser (Child Evangelism training tawh) chu an hmang. Pi Hmingtei hian Pathianni a hmanpui nghal ang.
#September 29 – 30, 2014 hian Elem English School, Dulukma, Tripura chuan Gospel Meeting an nei dawn a. Rev. Lalthanzauva (Missionary rtd.) chu Speaker atan an hmang ang. 2014 hian an sikul hian ringthar 12 Baptisma chantir tumin Target an siam a, an hlawhtlin theih nan, i lo tawngtaipui ang u.
Ramchhung BCM School Head-ten Budget training nei :Mizoramchhunga BCM SchoolHead-te chu Hqrs. Office-ah kohkhawm niin, School Accounts leh 2015-’16 Budget siam chungchang zirtir an ni. Kum leh Budget tur hi October 9 – 10, 2014 Mission Board meeting-in thlirhovin, Mission Committee lianin Nov. 11 – 12, 2014 ah a pawm ang.
Regional Committee meeting :
September 24 – 25, 2014 khan Baptist House Guwahati-ah Regional Committee meeting neih a ni a. Mizoram pawna BCM Mission Field leh School hrang hrangte 2015-’16 Budget leh rawngbawlna thil tul dangte A.G.S i/c Mission Rev. Dr. K. Lalrinthanga leh Regional Director Rev. Joseph Vanlalruata te kaihhruaina hnuaiah Missionary ten an thlirho.
AGS i/c Mission-in Boro Area a tlawh dawn :
A.G.Si/c Mission hian Assam Field-a Partkijuli, Boro Area chu tlawhin, Jubilee English School, Boro Baptist Union hnuaia awm, BCM-in Missionary pea kan enkawlpui mek chu a en ang. Pathian hruaina i dilpui ang u.
Mission Coordinator khawthlang lamah :
Rev. B. Lalrinawma, Mission Coordinator chu naktuk September 26, 2014 (Zirtawpni) khian Tlabung thlen tantirha BMS Chawnpui tlawhin a chhuak ang a, September 27, 2014 (Inrinni) ah Phairuangkaiah rawn chho ina, kohhran hruaitute leh Missionary te pualin Leadership Training a neihpui ang a, Pathianni (September 28, 2014) hmang nghal ang.
Puanthui Zirtirtu thar :
October 1, 2014 (Nilaini) hian Arunachal East Field-a Adi Baptist Union (ABU) chuan an Hqrs. Pasighat-a Tailoring Centre an din chu hawn a, training class tan an tum. A in leh puanthui-khawl leh thildang an tum a; an ngen angin BCM Mission hotute chuan Nl. Rohlupuii (Puitei), Cherhlun chu Instructress atan lain, an ngen angin Aizawl Central Church leh City Church ten Rs 4,500/- p.m ve ve thawhin an chawm dawn a, an inpekna hi a hlu tak zet. Puitei hian Tripura-ah pawh Puanthui zirtirna hna a lo zuk thawk tawh a ni. Centre hlawhtling tak a nih a, Puitei pawhin Thlarau lam thilpek (talent) (Exo. 31:1-6) a dawn Pathian ropui nan tangkai taka a hman theih nan, lawmthu sawi chungin, i tawngtaisak ang u.
Bhutan leh Sikkim inkhawmpui :
#October 3 – 5, 2014 hian Bhutan Baptist kohhran inkhawmpui chu an ram khawpui Thimphu-ah Rev. F. Ramdinmawia, Speaker-a hmangin an nei dawn.
#October 3 – 5, 2014 bawk hian Sikkim Baptist kohhran chuan Mazua-ah inkhawmpui neih an tum. Pawnlam atanga Speaker sawm lovin, Missionary te Pu Daniala Hnamte, Area Supervisor leh Nl. R. Lalramsangi, M.Div., Evangelist ten thu an sawi ang. He inkhawmpui hi Salem (Lunglawn Bial) Unit TKP ten zuk hmanpui an tum. Thlarau Thianghlim awmpuinaa inkhawmpui hlung tak an neih theih nan, i tawngtaipui ang u.
Missionary damlote :
#Pu F. Lalzidinga, HM, Huto English School, Arunachal West chu a Kal (Kidney) that loh vangin International Hospital, Guwahati-ah enkawl a ni a. A Kal hi ‘biopsy’ lak a ni a, results nghah mek a ni. Amah chu a harh tha sawt viau. Pathian tihdamna i dilsak zel ang u.
#Tv. H. Lalchhandama, Muallianpui, ET, BMS Betbonya (Longpuighat) chu a dam sawt hle. A dam fel a, a hna a thawh chhunzawm leh theih nan, i tawngtaisak zel ang u. Malaria khawsik thluaka lut vanga Christian Hospital, Lawngtlaia rei tak enkawlna dawng anih kha.
Missionary pathum la dawn :
October 9 – 10, 2014 hian Mission Board meeting chuan Missionary pathum (Evangelists)a la thar dawn. Buh Neitupa hnenah mi inpe i dil (Mat. 9:38) ang u. Ti hian, 2014 chhunga Missionary lak thar chu 34 (sawmthum pali) an tling dawn ta a ni, Pathian hnenah lawmthu i sawi ang u.
