Tripura Field-ah vanduaina:

Tripura Field, Elem English School-a (Dulukma, Tripura) Class II zirlai mipa naupang (Day Scholar) Bipras Singh chu a pain sikul pana Bike-a a phurh laiin Alto car nen an insu hlauh mai a. A pa chu a thi nghal a. Amah hi BN Hospital, Agartala-ah ruh tliak leh hliam na tak tuarin enkawl mek a ni. Kohhran hoten i tawngtaipui mawlh mawlh ang u.

Missionary la thar leh dawn:

BCM Mission Board chuan, Mission Platinum lawm kum a ni bawk a, Missionary leh Mission Workers lak thar a tum. Substantive leh Temporary post pakhat ve ve hnawh khahna; Evangelist Teacher 7; Evangelist Nurse 1; Non-Mizo Evangelist 4 leh Kokborok tawnga rawngbawl thei Evangelist 1, an vaiin mi 15 lak tum a ni. July 21, 2014 Thawhtanni thleng hian dil theih a ni a. July 22 ah Written Tests, July 24 – 25, 2014 ah Personal Interview an nei ang.

Chanmari Pastor Bial Mission Committee chuan kumina an planning bawhzuiin Vawiin July 10-13,2014 chhung hiann Tiperighat-I a Chakma hnamte zingah Salvation Camping an nei dawn a. Pathianniah hian ringthar eng emaw zatin Baptisma an chang dawn a ni. Tiperighat-I hi Kristian la awm lohna khua a ni a, kumin atang hian Ramthar Kohhran, Lunglei chuan Missionary (Evangelist Teacher) 2 ruaiin hma a la mek a, ringthar an awm tan mek a ni.

Outreach programme:

Arunachal West Field-a Huto English School, Nirjuli a Missionary te chu Mishing Area, Dhemaji leh a chhehvel tlawhin, Film show leh thu leh hlaa rawngbawlin tun kar hian hmun hrang hrangah an feh chhuak mek a, i tawngtaipui ang u.

Church Music Training Centre:

Arunachal West Field rawt angin, Naharlagun-a Nyishi Baptist Christian Council (NBCC) compound-ah BCM chuan NBCC nen tang kawpin, Church Music Training Centre a din tan dawn ta. Music Teacher (MUSIC TEACHER) LH Lalnghakmawia leh F. Zoramthara, Music Teacherhara ten bul an tan phawt ang a, a tul angin MUSIC TEACHER dangte pawh an la thawk ang. Nyishi Kristian te Pathian chibai buk leh fak kawnga buatsaihna Centre tangkai tak anih theih nan, Pathian hnenah i lo hlan lawk ang u.

Nyishi Kristian Hla Bu Solfa tel:

NBCC-a thawk kan Missionary te Pu J. Lalrinawma, Pu LH Lalnghakmawia leh mi dangte thawhrimna rah chhuak duhawm tak Nyishi Kristian Hla Bu Tonic Solfa tel chu, Kolkata-a Swapna Printing Press-ah chhut mek a ni. Arunachal-a BCM rawngbawlna hi a hlawhtling hle a, hetiang Hla Bu siam a ni hi a lawmawm tak zet a ni. Pathian hnena lawMusic Teacherhu sawi chungin, tha taka chhut zawh anih theih nan, i tawngtai ang u.

Mission Convention:

July 12 – 13, 2014 hian Saiha West Bial chuan Retreat leh Mission Convention inkawp Rev. Dr. K. Lalrinthanga, AGS, Mission Speaker-a hmangin an nei dawn a. Programme hlawhtling tak an hman theih nan, i tawngtaipui ang u.

Sikul naupang ‘accident’:

Elem English School-a (Dulukma, Tripura) Class II zirlai mipa naupang (Day Scholar) Bipras Singh chu a pain sikul pana Bike-a a phurh laiin Alto car nen an insu hlauh mai a. A pa chu a thi nghal a. Amah hi BN Hospital, Agartala-ah ruh tliak leh hliam na tak tuarin enkawl mek a ni. Pathian tihdamna i dilsak ang u.

Hostel Stipend:

Elem English School, Dulukma, Tripura hian Tripura sorkar pek thin Hostel naupangte Stipend an dil mek chu a la hlawhtling thei tlat lo. An hmuh theih nan i tawngtaipui zel teh ang u.

Damlo khawngaih thlak:

Pi R. Vanlalzami, Pu Ngurthankhuma Sailo, Supervisor, Marpara Area nupui, Chhul Cancer chu Aizawlah la enkawl zel a ngai dawn. Sum sen a hau tak hle a, an chhungkua an lungngai viau tih thu dawn a ni. Pathian tanpuina leh tihdamna i dilsak thar leh teh ang u.

Missionary te hriselna dilsak ang:

BCM Missionary tam zawkte hi hmun lum leh hrisel lo, damdawi in hlatna hmuna rawngbawl an ni a. Nipui khawlum lai hi Malaria leh natna dang hluar lai a ni a. Lal Isua thiltihtheihna hi chak lohna kal tlanga tarlan a ni thin a. Chuvangin, kan Missionary te hian, an chak lohna chhuang a, Lalpaah leh a chakna thahruia thiltihtheihna an neih theih nan, an hming lam ngeiin i tawngtaisak sauh sauh ang u.

Missionary Address, 2014:

BCM-in Mission Platinum kan lawm kum a ni a. Mission rawngbawlna ngaih pawimawhna a so sang hle mai, a lawmawm e. Missionary Address Bu hmanga kan Missionary te hi an hming lama ni tin tawngtaisak a, Telephone-a fuih thar fo turin, tan i la ang u. Kohhran mipuite hian Tawngtai hi Pathian ram kan tihzau theihna hmanraw chak ber a ni tih hi hriain, mimal, chhungkua, pawlho leh kohhran angin Tawngtaiin Chanchin Tha hi i hril tak tak teh ang u.