August 24 – November 2, 2014 chhung hian South East Asia-a kan thawktu Mazuala te chhungkua chu Australia-ah an Furlough dawn a. August 25 – 29, 2014 chhung hian Melbourne-ah an training ang. Hemi bakah Australian-a kohhran hrang hrangah rawngbawlna a nei ang. Mazuala te hi an kohhran tlawh atang hian Indonesia-a an rawngbawlna tur sum tuak ngah tura beisei an ni a. September ’14 tawp thleng chauh Australia-a awm theihna Visa an nei a, November ’14 thlatir thleng an awm a ngai si a, thla khat leh a chanve chhung Visa an hmuh belh theih nan pawh, kan tawngtaipui an mamawh a ni.
Mazuala Furlough Programme:
MELBOURNE: 1 - Dt. 24/08/2014 - Sunbury BC - chawhma 2 - Dt. 24/08/2014 Mizo Church @ Melbourne - chawhnu Dt 25 - 29/08/2014 - Training @ Melbourne 3 - Dt 28/08/2014 - Whitely Baptist College - zan lam
QUEENSLAND (Brisbane chhung leh pawn): 4 - Dt. 31/08/2014 - zing leh zanah thuchah leh report @ City Tabernacle BC - hei hi kan home church a ni e. 5 - 02/09/2014 - Malyon Bible College. 6 - 07/09/2014 - Stafford Heights BC 7 - 12/09/2014 - Resonate meeting 8 - 14/09/2014 - Leichardt BC 9 - 17/09/2014 - Gaythorne BC 10 - 20-21/09/2014 - Noosa BC - zan riaka kal ngai. 11 - 23/09/2014 - City Tab Ladies Fellowship. 12 - 28/09/2014 - Lifepointe BC 13 - 05/10/2014 - Beaudesert BC 14 - 12/10/2014 - Clayfield BC 15 - 18-19/10/2014 - New Beith BC - zan riaka kal ngai 16 - 22/10/2014 - Global Participants 17 - 25-26/10/2014 - Proston/Wondai BC. - zan riak kal ngai. 18 - 02/11/2014 - Highfields BC Mission Coordinator Chawngteah :August 22 – 24, 2014 hian Rev. B. Lalrinawma (Pu Rina), Mission Coordinator chu Shalom kohhran, Chawngte ‘P’ ah Mission Convention & Consultation Speaker a ni dawn a. Pu Rina hian Baptist Boarding School (BBS), Chawngte ‘C’ a tlawh nghal ang. Programme hlawhtling tak an hman theih nan, i tawngtaisak ang u.
Jharkhand Mission Field hawng:BCM Assembly -2014, Serkawn a neih-in Jharkhand Mission Field hawn nise ti-a a lo passed chu Mission Department-in bawhzui nghalin tunkar Thawhlehni, August 19,2014 chhun dar 11:30 khan hawn a ni ta. Mission Field thar hawnna Inkhawm hi Vanlalmalsawma F/D in a kaihruai a, Rev. Joseph Vanlalruata Regional Director-in Pathian hnenah hlanin a hawng a, Rev, B. Zirsangliana Field Director, West Bengal Fieldin thuchah a sawi bawk. He Field thar hawn inkhawm-ah hian Santal ringtu za vel an kal khawm a, tlai lamah Field thar lawmna ruai an kil ho nghal a ni.(Read More)
Missionary damlote :1) Tv. H. Lalchhandama, ET (School Support), Betbonya, Longpuighat, Malaria PF-a dam lo chu Christian Hospital, Lawngtlaiah enkawl mek a ni. Nikhua a hre tan tawh na a, a la tha chiang hlei thei lo. Pathian tihdamna leh awmpuina i dilsak zel ang u.
2) Nl. F. Lalsawmliani, EN, Birpara chu a Chhul paihsak a ni a. A qtrs.-ah a la hahchawl mek. Pathian thlamuanna leh tihdamna i dilsak ang u.
3) Nl. F. Zoramthangi, EN (rtd.), Lunglawn, Cancer-a chau-in a dinhmun a tha lo hle mai..
4) Pi Zosiami, Tuichawng Area Supervisor Pu ZD Lallungmuana nupui, Tuichawng, Mit (Eyes) tha lo pawh i tawngtaisak zel ang u.
5) Pi R. Vanlalzami, Marpara Area Supervisor Pu Ngurthankhuma Sailo nupui, Chhul Cancer, Zemabawk, Aizawla enkawl mek pawh a la tha thei lo.
6) Nl Mary Lalmuanpuii, Evan.Nurse, Tuichawng - Malaria
7) Nl. C. Lalramchhani, Evan.Teacher - Malaria
Missionary tirhchhuah tharten Post thleng :BCM Missionary tirhchhuah tharte chuan an thawhna hmun (post) an thleng kim ta. 2014 chhung hian Missionary thar 2 + 21 + 8 = 31 (sawmthum pakhat) lai kan nei thar a. Jharkhand FD Rev. TC Vanlalmalsawma, Non-Mizo Evan. thar 2 leh Volunteer Missionary engemawzat Field-ah an thleng thar bawk. 2014 hi tun hnai kum engemawzat chhunga BCM-in Missionary kan tirhchhuah tam ber kum a ni.
BMP ten Pulpit siamsak :Lunglawn Unit BMP te chuan Arunachal East Field Pu C. Pachhunga Bial (Mebo) chhung Ngopok kohhran (member 100 vel) Pulpit an siamsak. September ’14 tir lam hian thawn thlak an tum. Pathian hnenah lawmthu sawiin, he Pulpit hi Pathian hnathawhna hmanraw tangkai tak anih theih nan, tawngtaiin i hlan ang u.
Non-Mizo Inkhawmpui :September 12 – 14, ’14 hian Lunglawn kohhranah Non-Mizo Inkhawmpui nghah a ni dawn. Rev. B. Lalrinawma, Mission Coordinator, tuna Non-Mizo Mission enkawltu chu Speaker a ni ang. Inkhawmpui hlung tak an neih theih nan i tawngtaipui ang u
