Tlangval bo :
May 7, 2014 zan atang khan Basar, Arunachal East Field-a Adi Galo tlangval Jumkar Bam (20), B.Com., ekzam zo hlim chu, chin hriat lohvin a bo a. Kristian lo an ni a, an mangang hle. (ramhuai sual lak bo anih an ring) Kristiante tawngtaisak turin an ngen a, Pu David Lalrengpuia, kan Missionary leh Galo Kristian ten an tawngtaisak a. Keini pawhin Pathian ropuina tarlan anih theih nan, i lo tawngtaisak ve ang u.
Mission Convention :
1) May 16 – 18, 2014 hian Zotlang ‘N’ kohhran chuan Mission Convention neiin, Rev. B. Lalrinawma, Mission Coordinator chu Speaker-ah an hmang ang.
2) May 23 – 25, 2014 chhung khian Muallianpui Bial chuan Muallianpui ‘S’ Biak inah Mission Convention buatsaihin, Mission Promoter Upa H.S. Lalhmingthanga (Pu Hmingtea) chu Speaker atan an sawm. Pu Hmingtea hi Tv. R. Lalramchhana, Soloist, Edenthar, College Veng, Lunglei chuan a tawiawm dawn.
Missionary Furlough :
1) Pu C. Vanlalsawma chuan May 14 – 18, 2014 chhung hian Zawlpui Pastor Bial a tlawh mek.
2) Upa H.L. Liantluanga chuan May 14 – 18, 2014 chhung hian Zotlang Pastor Bial, Lunglei a tlawh mek.
3) May 18 – 28, 2014 chhung hian Pu R. Tuikhurliana chuan Champhai Pastor Bial a tlawh dawn.
(Missionary dang 2 – Pu L. Vanlalzuia leh Pi J. Laldampuii te chuan Furlough programme tluang takin an hmang zo ta. Pathian hnenah lawmthu i sawi ang u)
Missionary Retreat :
May 14 – 16, 2014 hian Tripura-a kan Missionary te chuan Elem English School, Dulukma-ah Rev. F. Sangvela, Speaker hovin Retreat an nei mek a. Ringthar siam belh zel leh kohhran chawm leh enkawl kawngah an chak thar theih nan, i tawngtaipui ang u.
Pulpit siamsak :
Lunglawn Unit BMP te chuan Pu C. Pachhunga, Arunachal East Field-a kan Missionary ngen angin, a Bial chhung Ngopok kohhran Pulpit an siamsak mek. Hun remchang hmasaah a hmuna zuk ‘fit’ sak an la tum ang.
Chhipphir TKP Field kal :
May 19 – 24, 2014 hian Chhipphir Unit TKP member 30 vel chuan Zawlpui tlawhin, BMS Zawlpui hmun laiin Work Camp an nei dawn. Thu leh hlaa rawngbawl an tum bawk. An tlawh te leh an mahni tan Pathian malsawmna anih theih nan, i tawngtaisak ang u.
Missionary i dil ang u :
BCM Mission Board chuan May 28, 2014 ah Written Tests buatsaihin, a tuk May 29, 2014 ah Personal Interview kovin Missionary thar 21 (ET – 17, MT – 1, Evan. – 3) a la dawn.
Chikhurlui Salvation Camp :
May 28 – June 1, 2014 chhung hian Lunglawn kohhran chuan Chikhurlui-ah Salvation Camp an buatsaih dawn a. Longpuighat Chakma Evan. Team ruaiin, senso an tum ang. Tawngtai leh eirawng bawl turin mi 8 vel kal an tum. Camper ten Lal Isua Chhandamna an chan a, Chikhurlui Fellowship member zawng zawng tan thlarau lam malsawmna a nih a, ringthar Baptisma chang an neih ngei theih nan, i lo tawngtaipui ang u.
