Biak In thar leh Ringthar!
May 4, 2014 (Pathianni) khan Arnachandrapara (S. Tripura) ah Biakin thar an hawng a, Circle chhung Kohhran hrang hrang atangin mi 200 vel an kalkhawmin a ni. Hemi ni hian ringthar mi 17 in Baptisma an chang bawk, Baptisma changthar zing ami chhungkaw khat chuan Ramhuai hnen inthawina tur atana an lo vulh kel pa lian tak mai chu Lal Isua zuitu an lo nih tak avangin kan Missionary te kutah a hlan a, Biakin hawn ruaithehna atan hian an hmang tel ve nghal a ni.
Ringthar pung zel: Tun hnaiah kan Mission Field-hrang hrangah ring thar kan neih belh zel lawmawm hle a ni. Tinkitam Sikimah ring thar mi 7-in baptisma an chang. Zero AP West-ah ringthar mi 45 baptisma an chang bawka, Naharlangunah mi 8 leh MP&MH ah ringthar 20 in baptisma an chang bawk.Bolisora Camp hlawhtling :
Apr. 29 – May 4, 2014 chhung khan Bazar Bial ‘sponsored’ in Bolisora, Longpuighat Area-ah Chakma pual Salvation Camp neih a ni a, Speaker chu Pu Somoratan a ni. Camp-ah hian mi 100 chuang lai an lut. Bazar Bial hruaitu mi 6 laiin an va hmanpui. He programme hi a hlawhtling hle a, May 4, 2014 Pathianni khan ringthar 11 Chakma Baptist Church Pastor Rev. Dokson Tong-in Baptisma a chantir. Lawmthu i sawi ang u.
Mission Convention :
i) May 9 – 11, 2014 hian Kanan, Aizawl chuan Mission Convention an nei dawn a, Rev. Dr. K. Lalrinthanga, AGS i/c Mission chu Speaker a ni ang.
ii) May 9 – 11, 2014 bawk hian Rev. B. Lalrinawma, Mission Coordinator Speaker-a hamngin Electric, Lunglei kohhran pawhin Mission Convention an buatsaih dawn.
iii) May 23 – 25, 2014 chhung hian Muallianpui Bial chuan Muallianpui ‘S’ Biak inah Mission Convention buatsaihin, Upa H.S. Lalhmingthanga, Mission Promoter chu Speaker-ah an hmang dawn.
Missionary Retreat :
May 14 – 16, 2014 chhung hian Tripura Field Missionary te chuan Elem English School, Dulukma-ah Retreat an nei dawn a, Speaker chu Rev. F. Sangvela a ni ang. Pu Vela hi Tripura Field Director hna lo thawk tawh a ni. Missionary te tan thlarau lam tuaitharna hlawk tak anih theih nan, Pathian hnena tawngtaiin i lo tang ve ang u.
Mission Crusade:
Ni 9-11 May 2014 chhung hian Lunglei Electric Kohhran chuan Mission Crusade an nei dawn a, Speaker-ah Rev.B.Lalrinawma Mission Co-Ordinator an hmang.
Free Medical Clinic:
Naktuk, May 10, 2014 (inrinni) khian Arunachal Far East Namsing khuaah Kristian Doctor te leh kohhranho tangrualin Free Medical Clinic an nei dawn a, chanchintha hrilna hmanruahah an hmang nghal ang.
Work Camp:
Tunkar, May 5-10, 2014 chhung khan Darzo Kohhran Mission Committee chuan Baptist Mission School, Zawlpui ah Missionary Quarter sa in Work camp an nei.
