Missionary nupa tuak hnih Shillong-ah  : 

Kenya-a kan thawktu Rev. V.L. Buatsaiha te nupa chu April 27, 2014 Thawhtanni hian Shillong-ah an chhuk dawn. A nupui Ruth Lalthlengliani chu, Ghana-a kan thawktu Pu Remlalliana Fanai, Shillong nupui nen NECTAR, Shillong-ah thla 4 chhung (April – July, 2014)  training class an kal ang; S.I.M chuan Africa-a an pasalte nena hna thawk nghal thei tura buatsaih a tum a ni. Hetih lai hian an pasalte chu S.I.M N.E.I in hna thawh tur pawimawh an pe (attach) ang a, Shillong-ah an awm ang.

Missionary Furlough  Programme hmang mek te: 

i) Pu L. Vanlalzuia chuan Apr. 23 – 30, 2014 chhung hian Saiha Bialah

ii) Pi J. Laldampuii chuan Apr. 23 – 30, 2014 chhung hian S. Vanlaiphai Bialah

iii) Pu R. Tuikhurliana chuan Apr. 26 – May 4, 2014 chhung hian Bungtlang ‘S’ Bialah

iv) Upa H.L. Liantluanga chuan Apr. 23 – 30, 2014 chhung hian Paithar Bialah

iv)  Pu C. Vanlalsawma chuan Apr. 23 – May 4, 2014 chhung hian Bawngkawn Bialah

Namsing-ah rawngbawl dawn  :  

May 10, 2014 hian Arunachal East Field Mebo Bial chuan Namsing khua, in 200 a Kristian in 5 chauh la awmnaah, Mual inkhawm (Open Air service) leh Free Medical Clinic buatsaihin Chanchin Tha an hril dawn. Adi Baptist Union (A.B.U) a Kristian Doctor-ten Clinic hi an neihpui ang. Deputy Commissioner East Siang District-in phalna a pe tawh. He Programme senso tur Rs 30,000/- vel mamawhah Rs 10,000/- chauh an la nei. Tawngtaina bakah he rawngbawlna hi sum lama tanpui thei an awm chuan, a lawmawm hle ang. Pui thei tur chuan Pu C. Pachhunga, Evan., Mebo, Ph. 918415848182 biak pawh nise.

Mission Convention  : 

Apr. 25 – 27, 2014 chhung hian B.C.M R. Vanhne (Paithar Bial) chuan Mission Convention an nei dawn a, an Biala Furlough mek Upa H.L. Liantluanga chu Speaker-ah an hmang nghal ang. An kohhranin Mission rawngbawlnaa an chak phah theih nan, i tawngtaisak ang u.

Kawrpuichhuah thleng  : 

Pu R. Vanlalnghaka, Evangelist te nupa chu Sachan chhuahsanin Apr. 16, 2014 khan an awmna thar Kawrpuichhuah, Tuichawng Area an thleng thla. Kawrpuichhuah Biak in sak mek Tukverh 10, Ventilation 12 leh Kawngkharpui 4 vuahsak (a then chu siam a la ngai) thei Work Camp tur an mamawh hle. Fur ruahtui tlak hma ngeia zuk thawhsak thei an awm chuan, a lawmawm em em ang.

Naupang ngah  : 

BMS Betbonya, Longpuighat chuan K.G – Class VII ah naupang 270 an nei tling tawh. Luh dil an la awm zel. A kiang hnaia Private English Medium sikul pahnih chuan naupang an neih tlem phah hle. He Sikul hian Evan. Teacher a tlem berah 2 (pahnih) an mamawh hle. Thalai Saptawng leh Mathematics thiam inpe thei awm sela, a lawmawm em em ang. Betbonya Fellowship-ah hian member 60 chuang an awm tawh a. Biak in pawh Longpuighat bazaar bul lawkah sak tumin hma an la mek.

 - Upa H.S. Lalhmingthanga, BCM Mission Promoter