Kumin chhungin Chakma ring thar 104 tling tawh:

March 30, 14 khan Lawngtlai Bethany Kohhran chuan Fangfarlui (Chakma khua)-ah Salvation Camping an buatsaih sak a. Chakma ringthar 11 in baptisma an chang. Tihian kumin January - March 2014 (thla 3) chhungin Chakma zingah ring thar baptisma chang 104 zet an awm ta a ni.

Work Camp hmun hnihah:

Lungsen Mahanaim Kohhran member 15 ten Matisora (Belepi) ah March 25-29 khan thawktu Quarters sa-in Workcamp an nei a; Zobawk Bial Mission

Committee member 10 ten Rotlang West-ah thawktu Quarters sain April 2-5 chhung hian Workcamp an nei bawk.

Mission Convention hmun thumah:

Mission Platinum Jubilee a liam a, tunkar Pathianni (April 4-6) hmang hian hmun hrang hrangah Mission Convention neih chhunzawm lehnghal a ni ang. Bazar Pastor bial chuan Missionary te speaker-a hmangin Lungeli Venglai Biak inah Misson Convention an nei dawn a. Vathuampui bialin Mission Promoter, Upa HS.Lalhmingthanga hovin Chamdurtlangah Convention an neiin, Lunglawn Kohhranin an Kohhran atanga missionary-a chhuak te speaker-a hmangin Mission Convention an nei bawk ang.

Missionary Furlough:

Mission Platinum Jubilee chhunzawmin Midland Education Centre, Ziro, AP West field-a kan missionary, Pi J. Laldampuii chuan Furlough Prog-ramme a hmang chhunzawm nghal a; a hmasa ber atan tunkar chhung hian Republic Bial Kohhran hrang hrang a tlawh kual ang.