February 23, Pathianni kal ta khan Assam field huam chhungah Hindu atangin mi 7 in baptisma an chang a. Tihian kumin chhung ringawtin Assam field-ah ring thar baptisma chang 44 an tling tawh a ni.
Work Camp:
Rahsiveng Pastor bial TKP (member 35) te chuan Rotlang West-ah thawktute Quarters sa-in February 20-24, 2014 khan Workcamp an nei a. Lunglei Electric Veng Kohhran member 16 te chuan Tripura field Sachhirampara-ah February 17-23, 2014 khan Biak in sain workcamp an nei bawk.
Cherhlun Bial Zaipawl AP East-ah:
Adi Baptist Union, Annual Conference February 14-16, 2014 a neihah Mizoram atangin Rev. Lalthanzauva (Ex Thailand) chu speaker niin Cherhlun Bial zaipawl (member 28) ten zaia rawngbawlna an nei.
Gongrai-ah Crusade:
Tripura field, Gongrai Kohhranah Lunglawn Kohhran (member 8) chuan an Mission Committee chairman Upa R. Kaptluanga hovin Crusade an neihpui a. He lai hmun hi St.James High School awmna hmun a ni a; zirlaite pawhin an hlawkpui hle.
Mission Platinum Jubilee Inbuatsaihna kal zel:
Mission Platinum Jubilee Main Celebration lawm turin Headquarters leh a dawltu Serkawn Tualchhung Kohhrante an inbutaih nasa tawh hle. BCM Mualah zan lam hun hmanna turin stage siam a ni a. A sir tawn tawnin hutna changkang tak siam vek tum a ni bawk.
BCM Missionary zat :
BCM Statistics Assembly atan siam thar a ni a, kan Missionary neih zat chu hetiang hi a ni :
i) Rampawn – 146 ii) Chakma Mission –78 iii) Bru Mission – 79 iv) Non-Mizo – 1. Sub Total – 304. Native Contract – 232.(304 + 232 = 536 te hi BCM A/Roll ami, Budget atanga hlawh late an ni).
Others –
i) Recognized – 22.
ii) Missionary nupui/pasal – 110.
iii) Vol. Missionary – 52.
iv) Vol. Native – 45.
v) Private Support – 70.
vi) Native workers (hlawhfa, etc.) – 55.
Sub Total – 354. Grand Total (536 + 354) : 890.
Zawh fiah duh chuan Mission Promoter a zawh theih ang.
BCM Mission Field zat :
BCM chuan India ramah – 11 (Mizoram chhungah - 3,Rampawnah - 8 )
Foreign-ah (India ram pawn) - 11.
A vaiin Mission Field 22 kan nei.
Field hming chu remchangah la tarlan a ni ang. Mission Promoter a zawh theih e.
