Kum 2013 chhungin Baptisma chang - 5203
Kum 2013 chhunga BCM Mission Fields-a Baptisma chang thar zat chu 5203 (BBC, Non-Mizo leh M.P & M.S tel lovin) a ni a, Kohhran 20 leh Fellowship 21 dinthar an ni bawk. Pathian hnenah lawmthu i sawi ang u.
BCM Missionary thar ten an thawhna tur pan ta :
January 19, 2014 Pathiannia Zotlang ‘N’ Biak in, Lungleia tirh chhuah BCM Missionary thar te – Rev. J. Lalduhawma (Ramthar, Lunglei) te chhungkua, Cambodia-a thawk tur, January 22, 2014 a Cambodia pana kal; Tv. T. Zonunsiama
Chakma Music Festival : (Zotlang ‘N’ Lunglei) – Samrup Zongkhar, East Bhutan-a Evangelist hna thawk tur leh Tv. Abednego Lalramnghinglova (Tuipui ‘D’ Leite Bial) – Mishing Area, Arunachal West Field-a Evangelist hna thawk turte chuan, an rawngbawlna tur hmun an pan ta. Rah tha tak chhuaha hna an thawh theih nan, an hming lamin i tawngtaisak zui ang u.
January 24 – 26, 2014 hian Baptist Boarding School, Chawngte kawt zawlah Chakma Mission leh MTKP tang kawp chuan Music Festival an buatsaih dawn a. A.G.S i/c Mission Rev. Dr. K. Lalrinthanga leh Chakma Mission Director Rev. RC Lalthanzama ten an ho vang. Chakma Mission Circle (4) zaipawl te, Chakma Cultural dance entir tur te, TKP member zaithiamte leh zaipawl ten hun an hmang a, thuchah tawi tha tak tak sawi chhuah a ni bawk. Chakma unaute hnena thu leh hla hmanga Chanchin Tha puanna a ni a, a hlawhtlin ngei beisei a ni.
Salvation Camp :
January 29, 2014 atang hian Sekulhkai Chakma kohhran (Vaseikai kawng, M. Kawnpui thlen hma lawk) chuan Salvation Camp buatsaihin, Speaker atan Pu Sumo Ratan, Longpuighat Team a ni ang. Team member-ten an tawiawm ang. Camper zawng zawng chhandama an awm theih nan i tawngtaisak ang u. He Circle-ah hian Chakma khaw 51-a 13 ah BCM hian thawktu kan dah a; khaw 38 ah chuan Kristian pawh an la awm lo a ni. Buh seng tur (Matthaia 9:37) a la tam hle mai!
Rakhai Evangelist dah dawn :
January 17, 2014 a Damdep Pastor Bial committee thukhawm chuan March, 2014 atang hian an Bial chhung Vaseikai-ah Rakhai tawng thiam Evangelist thla khata Rs 5,000/- a rawih an tum. (January 17 – 19, 2014 khan an Bial Mission Convention vawi 1-na Damdep Biak inah Mission Promoter-in hlung takin a va hmanpui a ni) An Evangelist rawih hlawh tur hi an thawhkhawm tan tawh a ni. Thawktu piangthar tha, mi inpe tak (Matthaia 9:38) an hmuh theih nan i tawngtaipui ang u.
Bial Mission Convention :
January 31 – Feb. 2, 2014 chhung hian Tlabung Pastor Bial chuan Chawnpui Biak inah Mission Convention an nei dawn a, Speaker atan Upa H.S. Lalhmingthanga, Mission Promoter an hmang dawn. An Bial hian Chakma Mission-ah an thawh hlawk hle a, he Convention hian thlarau bo veina nasa lehzual a neihtir theih nan, i tawngtaipui ang u.
Missionary Furlough :
1) Pu R. Lalnunsanga chuan Theiriat Bial a tlawh mek a
2) Pu Remlalliana Fanai chuan January 29 – Feb. 5, 2014 chhung hian Serkawn Bial a rawn tlawh dawn. I tawngtaisak zel ang u.
Missionary damlote :
1) Pi Lalbeiseii, Dr. Remsangpuia, China-a kan Missionary nupui chu Kolkata-ah Doctor-ten an enkawl mek a, zai a ngai mai thei.
2) Pu J. Lalsawmliana, HM, M.E.C, Ziro chu Pum lam that loh vangin damdawi inah (Itanagar) enkawl mek a ni. Pathian tihdamna i dilsak ang u.
