Mission Board Meeting  : 

October. 17-18, 2013 a Mission Board meeting chuan 2014-’15 Budget bakah, Mission rawngbawlna atana pawimawh tak tak an rel a. An thurel then khat chu hengte hi an ni : 1)      October 30-31, 2013 chhunga Aizawl A.R Lammuala YWAM buatsaih Mission Fest-a BCM Mission rawngbawlna pholan. Hqrs. atangin Mission Coordinator leh Mission Promoter, Aizawl atangin E.S, Aizawl Area leh Upa C. Ropianga, Mission Board member te BCM ai awha tel tura ruat an ni. 2)      Nepal leh Bhutan Field-a Missionary pakhat ve ve dah belh. 3)      Sonsored.. 4)      Pu K. Roluahpuia, BCM Sethlun, tuna Roing-a Idu Mishmi hnam zinga Living Word Communicators tirha Literature Missionary thawk mek chu (2005 atang khan) a rawn dil angin BCM Recognized Missionary-a pawm nise. Hei hi Administrative Committee pawmpui tura thlen a ni ang. 5)      Nl. MC Lalhmachhuanni, ET, Yakhili Academy, Tripura leh Tv. Lalhriatpuia Chhangte, ET, BCM Mission School Ngengpuitlanga HM te chu, Dec. 2013 chhunga Dan Puitlinga an inneih phalsak an ni. Thawh chhunzawm an dil a, hotuten an la rel zui ang. 6)      Missionary sawm (10) Furlough dilte chu phalsak an ni a. Nov. 2013 – Mar. 2014 chhung hian Missionary paruk (6) Furlough tur an awm bawk a. Mission hotuten Field khat atanga lo chhuak tur zat leh, tum khata Furlough Deputation rawn hmang tur zat chu lo thliar fel se tih a ni. 7)      Nl. Lalthanzuali Hauhnar kan Missionary chu St. Paul’s H.S.S, Agartala-ah Principal hna thawk chhunzawm tura (2016 thleng) ruat a ni. He School hi TBCU ta a ni a; mahse Zuali hi BCM-in hlawh a pe tawh ang.  viii) Mire hnam zinga rawngbawl nana mamawh zual ngaihtuahsak. 8)      Non-Mizo zinga thawk Pathian thu zir tura tirh leh Non-Mizo rawngbawl nana hman tur Bike lei. Non-Mizo rawngbawlna tih lenna tura ruahmanna siam. 9)      AP West Hqrs. Naharlagun-a Church Music Training Centre din tura ruahmanna siam. 10)  Bengal Field Jharkhand Area hi 2015 ah chuan Field-a siam tum ni se. 11)  BCM Mission-a thawk tur mi 40 chuang (tarlan tawhte telin) lak thar – te an ni. BCM Mission-ah hian khawvel hmun hrang hranga hnam sawmli (40) chuang zingah Field 11 leh Station 12 neiin Chanchin Tha kan hril mek a, Mission Workers 888 kan nei a ni.

Nupui/ Pasal nei dawn  :

1)      Tv. VL Buatsaiha ........... chuan Nl. Ruth Lalthlengliani, Khatla, Aizawl chu Nov. 1, 2013 hian, an Biak in Zion, Ramthar, Lungleiah Dan Puitlingin a nei dawn. 2)      Tv. Remlalliana Fanai lo chhuakin, Zohnuai, Lunglei nula kumin (2013) chhung hian Dan Puitlingin nupuiah a nei dawn. 3)      Tv. H. Vanlaltanpuia, Evan. Mission to Muslim, Guwahati kianga thawk leh Nl. C. Lalnghenchhani, ET, Damparengpui te pawh Dec. 2013 chhung hian Dan Puitlinga inneih an tum. An thawh zel dan tur chu Mission hotuten an la rel ang. Heng Missionary te hi Mission Board chuan an rawn dil angin Inneih a phalsak tawh a ni.

Martar Hriatrengna Lung phun thar  :

BCM Lunglawn chuan Dec. 24, 1968 a Vaseitlanga Krista hming tan vanga thi (martar) Tv. Vanlalliana Hriatrengna Lung, 1977 a Vaseitlang BKHP te lo phun chu, Granite-a thlak tharin, October 23, 2013 khan a bul phah zawl leh chung khuhna nen, mawi takin an siam tha.

Ringthar Baptisma chang  :

Oct. 19, 2013 khan BBS, Chawngte Chakma zirlai 52 in Lal Isua ringin Baptisma an chang. Lawmthu i sawi ang u.  –