Chhipphir Kohhran hmun 2-ah Workcamp mek
Chhipphir Kohhran Mission Committee chuan October 8-16, 2013 chhung hian a rualin Patkijuli leh Mendavari-ah Workcamp neiin an thang mek. Patkijuli-ah hian Biak in Ceiling siam leh Electric wiring tiin member 9 an kal a. Mendavari-ah hian Class room Extension (cement work) tiin member 5 an kal.
Zotlang Bial Zaipawl Assam Field-ah
(Lli) Zotlang Pastor bial zaipawl chu October 16-25 chhung hian Assam field-ah Kohhran hrang hrang tlawhin an feh chhuak dawn.
Rabha Thalai Inkhawmpui
Rabha Baptist Church Union (RBCU) |halaite chuan October 11-13 chhung hian inkhawmpui an nei mek a; speaker atan kan missionary, Nl.H.Lalrinpuii (Headmistress, Mt.Olive School, Debitola) an hmang.
Mission Field-ah Thalai Meet
October 11-13 chhung vek hian Naharlagun Bial |halai Meet Naharlagun Town Church-ah an nei mek a. He Kohhran hi kan missionary, Tv. Lalfamkima Sailo (Music Teacher) lawina a ni.
Gospel Meeting
1) Elem English School, Dulukma, Tripura chuan Oct. 7-8, 2013 khan Pu C. Lalnunsiama, Evangelist (Hezamara, Tripura) Speaker-a hmangin Gospel Meeting an nei a. Zirlai ten lawm takin Lal Isua an rinna an puang chhuak. Hmeichhe zirlai 12 chu Oct. 8, 2013 khan kan Missionary Pu B. Jonathana, Evangelist-in (Bangpur, Tripura) Baptisma a chantir.
2) Mt. Olive School, Debitola pawhin October 9 – 10, 2013 khan Gospel Meeting neiin, Tv. Joseph Lalrammuana, M.Th., Lunglawn chu Speaker atan an hmang. He sikulah hian zirlai 300 chuang an awm a, a tam zawk hi Rabha Hindu (ring lo) an la ni. Joseph-a hian Shillong-a Nl. H. Thanchhungi Hostel-a awmte Crusade a rawn neihpui nghal dawn.
3) Baptist Boarding School Chawngte chuan October 16-19 hian Gospel meeting an nei dawn a; speaker atan Pro Pastor PC. Lalrinawma leh Pastor Rinsanga CBC te an ni ang.
Guiter lei sak
Aizawl Mission Vengthlang Shalom Kohhran chuan Marpara Comprehensive M/S tan Guiter thar tha tak an lei sak a; thawktute an lawm hle.
Salvation Camp :
Arunachal East-a Sille kohhranah Adi Baptist Union (ABU) buatsaihin October 11 – 13, 2013 hian Salvation Camp buatsaih a ni a. Hemi hnu hian Detak kohhranah Salvation Camp – an khuaa Adi Donyi-Polo (ring lo) chhungkaw 7 te tan siam a ni dawn bawk.
Sikkim Area inkhawmpui :
October 11 – 13, 2013 chhung hian Sikkim Area chuan inkhawmpui neiin, Rev. F. Ramdinmawia, Executive Secretary, BCM Lawngtlai Area, Lawngtlai chu Speaker atan an hmang. Sikkim Area-ah hian Buddhist sakhaw biate zingah rawng kan bawl a, ringthar siam a har hle. Target village 3 an nei a, khaw pakhatah chuan kan Missionary Nl. R. Lalramsangi, Evangelist a awm a, sikul naupang 9 Free Tuition pein, Lal Isua hnena hruai tumin, tan a la mek a ni.
AGS-in Field la tlawh mek :
AGS i/c Mission Rev. Dr. K. Lalrinthanga chuan Assam, Bhutan leh Bengal Field hmun then khat a fang a, tunkar tawp hian Mizoram rawn thlen a, Lungleia rawn tlang a tum ang.
Mission Convention :
West Phaileng Pastor Bial chuan BCM Dinthar Biak in, West Phailengah October 11 – 13, 2013 hian ‘Chanchin Tha hi hril rawh u,’ (Mar. 16:15) tih thupuia hmangin Mission Convention an nei dawn a, Speaker atan Upa H.S. Lalhmingthanga, Mission Promoter an hmang ang.
Tawngtaisak leh tanpui ngaite :
1. Indonesia rama kan thawktu, Mazuala te chuan tunkar thawhtanni (Monday 7/10) khan an project pawimawh tak, khawpui bawlhhlawh paihna recycling project – Compost leitha siamchhuah project chu tan tumin an inbuatsaih a. He an project hi Khawpui bawlhhlawh paihna hmun ni thin kum 2005 vela an lo khar tawh niin, he hmun hi a enkawltu leh neitu department nena tanghovin laih hawn leh a, bawlhhlawh organic lei thaa lo chang tawh lakchhuah a, lo neitute hnena man tlawm zawka hralh chhuah tum an ni a. Kar hmasa khan a chunglang lei/a khuhna lei an laihawng tawh a. Amamerawhchu na tan mai tura kan inngaih laiin Zirtawp zanah khan mi thenkhat, tute nge tih hriat lohin an thiltihna hmunah tak chuan hna an chhunzawm theih loh nan lung leh changel hnahte lo vawm lutin harsatna an siam sak ta a. He kan hna hi kan tan thuai theih nan Pathian hnenah dilpui turin min ngen a ni.
2) Thailand-a kan thawktu, Marina Renthlei chu Dengue natna avanga dawmdawiina a awm pawh Kohhran hote tawngtaisakna avangin a tha chho ve zel a, tunah chuan Damdawiin atanga chhuakin in lamah an inenkawl mek a, a taksa a la chak lo hle, Kohhrn hoten i tawngtaipui zel ang u.
3) Betbonya, Longpuighat Circle Chakma Biak in sak tum a ni a, tanpuitu an mamawh hle.
4) Mire hnam tana hawn Empu, Bangladesh-a BCM Primary sikul zirlai Hostel-a awm 40 (sawmli) chuang ten Support-tu an mamawh hle. Pathian ram veitute rawn pen chhuak teh u. Tunah hian Hostellers 60 chuang zinga 15 emaw chauhvin Support-tu an la nei (Oct. ’13 Missionary Tlangau pp. 31-32 a sawi ang khan).
iii) BCM Mission Field leh Station zawng zawngah ringthar Baptisma chang, kohhran leh Fellowship thar kan neih belh theih nan, thahnemngai taka kan tawngtai a tul tak meuh meuh a ni.
