Guwahati Baptist House thuam tha mek:
Guwahati Baptist House chu tun lai hian tihchangtlun mek a ni. Guwahati-ah hian Baptist Kohhran Pathiannia inkhawm thin hi 100 dawn lai an ni a; Hall neih saah an len tawh loh avangin Biak in tur Hall zau zawk puah mek a ni a; Regional Director, Rev. Joseph Vanlalruatan ngawrh takin he hna hi thawkin October thla hi chuan luah hman ngei an tum a; he mi rual hian mikhual thlenna tur room pawh siam belh mek a ni bawk.
MP & MS Field-ah Fellowship Thar:
Pathianni kal ta, September 29, 2013 khan MP & MS Field chhunga Kara khua-ah Field Director, Rev.T. Lalsangvunga hovin Fellowship thar pakhat din a ni a. Hei lo pawh hi hmun hnih ah Fellowship din tura hma lak mek a nih thu an sawi.
Mission Platinum Jubilee :
Kum 2014-a Mission Platinum Jubilee lawm turin inbuatsaihna chak takin kallpui mek a ni a. Lawngtlai, Hnahthial leh Aizawlah pawh a lawm dan tur duang fel tawhin Headquarters ah pawh Cambodia-a kal tura inbuatsaih mek Rev. J. Lalduhawma’n hnapui berah neiin Jubilee Compendium changtlung tak buatsaih mek a ni.
Lunglawn BMP te Along (AP East) –ah:
Lunglawn Kohrana BMP member 23 leh anmahni puitu tur hmeichhe 2 te chuan Arunchal East Field-a Along biala Pangkeng khuaah Biak in sain Workcamp an nei a. September 24 khan kalin chawlh- kar khat an cham hnuah October 4 khan an lo let leh ta. He khua i Missionary Pu P. Lalrammawia te chhung thawhna hmun a ni.
Biak in sa :
Sep. 27 – Oct. 2, 2013 chhung khan BMP Unit Lunglawn member 23 chuan Arunachal East Field-a Pangkeng Biak in, Along atanga km. 12 chu Work Camp-in an sa zo thaw khat a, a lawmawm hle mai. Oct. 5, 2013 Inrinni hian Lunglei an lo thlen beisei a ni.
Salvation Camp :
i) Oct. 11 – 13, 2013 hian Arunachal East-a kan Missionary te chuan Sille khua, Pasighat atanga hla loteah Salvation Camp lian tham tak buatsaih an tum a.
ii) Detak khuaah pawh Kristian lo chhungkaw 7 tan Salvation Camp an buatsaih dawn bawk. Heng Camp senso atan hian BCM Lunglawn chuan, an Mission Project angin, Rs 50,000/- an pe bawk.
Mt. Olive School Gospel Meeting :
Oct. 9 – 10, 2013 hian Assam Field-a Mt. Olive School chuan Gospel Meeting an nei dawn a, Speaker atan Tv. Joseph Lalrammuana, M.Th., Lunglawn an hmang dawn. He programme atan hian BCM Lunglawn chuan an Mission Project angin, Rs 20,000/- an thawh a ni. Sikul naupang 300 chuang zinga a tam zawk hi Hindu (Kristian lo) an la ni.
Rabha Thalai inkhawmpui :
Tarlan tawh ang khan Oct. 11 – 13, 2013 chhung hian Rabha Baptist Church Union (RBCU) thalaite chuan Dudumari-ah inkhawmpui an nei dawn a, Speaker-ah kan Missionary Nl. H. Lalrinpuii, HM, Mt. Olive School, Debitola an hmang dawn.
Missionary damlote :
i) Rev. Lalrinmawia Renthlei, Thailand-a kan Missionary chu, Dengue natna avangin a dam lo va, sorkar damdawi inah enkawl mek a ni.
ii) H. Lalruathlua, kum 4, Pu H. Lalhuliana, HM, B.M.S Betbonya fapa chu Christian Hospital Serkawnah enkawl mek a ni.
iii) Nl. KL. Lalrinzuali, ET, B.M.S Betbonya pawh pumna leh khawsikin a dam lo va, enkawl mek a ni.
Fellowship ding thar :
Sep. 29, 2013 khan M.P & M.S Field-ah Fellowship a ding thar. Hei bakah hian khaw hnihah Fellowship din tumin hma an la mek bawk tih FD Rev. T. Lalsangvunga’n a rawn report. Lawmthu sawi chungin, ringthar an neih belh a, Fellowship pawh an din thar zel theih nan, thahnemngai takin i tawngtaipui ang u.
Mission Convention :
Oct. 11 – 13, 2013 chhung hian W. Phaileng Pastor Bial chuan Mission Convention neih a, Upa H.S. Lalhmingthanga, Mission Promoter chu Speaker-a hman an tum.
Ramchhung Missionary-ten Budget thehlut :
Oct. 3, 2013 khan Mizoram chhunga BCM Missionary Budget neite chu Hqrs. Office, Serkawnah Rev. B. Lalrinawma, Mission Coordinator hovin an thu khawm a. 2014 – 2015 Budget an siam enhovin an thehlut nghal. Rev. RC. Lalthanzama, FD, Chakma Mission pawh he meeting-ah hian a rawn tel.
