Arunachal-ah harsatna:
Arunachal Far East Field chuan Tawngtai Chona lian tak an hmachhawn mek. Jul. 19, 2013 khan D.L.B.C.A Executive Secretary Rev. Banbo Pertin, Roing fapa Majing Pertin (16) chu Dambuk-a a Ni te inah a inawkhlum a. Rawlthar tih takah a bialnu nen an in hmuh thiam loh vang a ni awm e. A ruang chu Roing-ah la chhovin an phum a. Tun hnai hian Dambuk-a Adi Kristian lo Donyi-Polo hruaitu fanu tleirawl Class X zirlai chu ramhuaiin a man a. Chu ramhuai chuan hmeichhe tleirawl ka hmang chuan, ‘Majing Pertin ka ni a, ka pa chu Banbo Pertin a ni. He in hi ka in a ni,’ tiin an zawhna a chhang a. Ramhuai an hlauh avangin Majing-a Ni in chu thiah vek tawh a ni. A Ni pawh Kristian ni mahse, ramhuai a hlauh avangin Donyi-Polo puithiam hnenah a lo inthawi hial a ni awm e.
Dambuk Donyi-Polo ho chuan E.S chu phone-in, a fapa ruang chu phawrh leh a, halral an duh a. Chu chuan tleirawl ramhuaiin a luah mek chu a zalentir an ring a ni (Hetiang hi awm nual tawhin an sawi). E.S chuan a fapa ruang phawrh chu a remtih loh bakah, Kristian Pastor a ni a, Adi hman lai rin dan chu a ring ve lo tih a hrilh a. Tin, Isua hminga tawngtainaa ramhuai chu hnawh chhuah theih a ni a, amah leh a chhungte pawh Kristian an nih theih nan a tawngtai thin tih a sawi a. Hei hi Donyi-Polo ho chuan an haw ta em em mai a. Hmusit taka E.S chu chhangin, “Isua in tih ‘misual Krawsa khenbeh’ in biak vang a ni ang i fapa pawh a in awhhlum…..” an ti hrep mai a. Rev. Banbo pawhin hreawm a ti hle. Dambuk atang hian Roing-a chhoh a, tihluihnaa tlangval ruang hi phawrh a, halral an duh a, mahse tuilian vangin an chho thei rih lo a ni.
Hemi vang hian Roing leh a chheh vela Kristiante chu, Missionary-te nen Chawngheiin an tawngtai a, an mangang hle a ni. Donyi-Polo ho hi an rilru a khauh hle a, Pathian hnena tawngtai tura Kristiante koh pawh an duh tlat lo va. Dambuk-a Missionary Pu HC Lalramhnema pawh he tleirawl tawngtaisak tura ina luh an remti tlat lo a. Tum khat chu a tawngtai lui hram. He Tawngtai Chona lian tak hi Missionary-te leh Adi Kristianten huaisen taka an hmachhawn a, Lal Isua hminga ‘hnehna’ an puan a, Lal Isua chawimawia a awm theih nan, kan theih tawpin tawngtaiin i lo tanpui ve ang u.
Ring thar Baptisma chang:
[caption id="attachment_4156" align="aligncenter" width="150"] AP West[/caption] |
[caption id="attachment_4157" align="aligncenter" width="150"] West BengalRabha Area[/caption] |
[caption id="attachment_4158" align="aligncenter" width="150"] Tripura[/caption] |
September 8, 2013 Pathianni khan Ziro, AP West-ah mi - 59, Rabha Area, Bengal Field-ah mi -8, Jharkhan-ah mi 4, Tripura -ah mi 4-in ringthar Baptisma an chang. Lawmthu sawi chungin, ringthar Baptisma chang kan neih belh zel theih nan, thahnemngai takin i tawngtai ang u.
Non-Mizo Kristia Inkhawmpui
September 12, 2013 (Ningani) zan atanga tanin Non-Mizo inkhawmpui vawi 26-na chu Electric North kohhran, Hnahthialah a buatsaih a. He Inkhawmpui Speaker atan Rev. T.C. Vanlalmalsawma, Pastor i/c Non-Mizo hman a ni ang a, thupui-ah "I piangthar tur a ni" tih a ni ang. Prabhu Samachar Samiti, Lunglawn (Non-Mizo zinga rawngbawl thin Zaipawl) pawh zaia rawngbawl turin an kal.(Read More)
Mission Convention
1. Sep. 13 – 15, 2013 hian Ralvawng kohhran, Zobawk Bial chuan Mission Convention an nei dawn a. Mission Promoter Upa H.S. Lalhmingthanga Speaker-ah an hmang ang. Thupui 'Chanchin Tha hi hril rawh u' tih a ni.
2. Sep. 13 – 15, 2013 chhung tho hian Chanmari kohhran (Chawngtui veng), Hnahthial ‘S’ Bial pawhin Rev. R.C. Lalthanzama, Director, Chakma Mission Speaker-a hamngin Mission Convention an nei dawn a . Convention hlawhtling tak an neih theih nan i tawngtaipui ang u.
Mission Field Tlawh:
TKP Gosen Unit chuan Namsai, Arunachal Far East Field an tlawh mek a, Farm Veng Unit TKP pawhin Tripura Field an tlawh mek bawk.
I tawngtaipui ang u:
Pu K.Lalchungnunga evan Tirbin Arunachal east field chu nimin dt 10.9.2013 chawhma dar 11 khan Tirbin khawbulah bike in a accident a akhingkhang ruh a tliak..in lamah enkawl mek ani.Field commttee pawh a tel theilo.
