Mission School HSLC Result tha: MBSE in April 20-a HSLC result a tihchhuahah kan Mission School-te pawh an ti tha viau mai, hetiangin: BBS Chawngte – Appear - 21, Pass-18 Vathuampui – Appear - 17, Pass -17 3. Damparengpui – Appear - 9, Pass -7 4. Nghalimlui – Appear -13, Pass -7 5. Putlungasih – Appear - 3, Pas s-3 Nghalimlui hi Exam an hma-chhawn vawi 1-na a ni a; Putlungasih hi pass an awm vawi 1-na a ni bawk.   Missionary 3 Furlough: Tunah hian kan missionary senior tak tak 3, Tripura field-a mite chuan Furlough programme an hmang mek a. Nl. C. Lal-nghingi’n Lungsen bial a tlawh zo chiah a, Tlabung bial a tlawh leh tan. Pu T. Nghaksanga, (Principal, Yakhily Academy) te chhung chuan April 28-May 6 chhung Thenzawl bial an tlawh ang a. Pu C. Lalremsanga (Prin-cipal, Tiprah Academy) chuan zanin hian Aizawl East bial a tlawh chhuak ang a, Rahsiveng bialah a chhunzawm ang.   Mission Convention: Vawiin Pathianni hmang hian Bungtlang South bial M. Kawnpui Kohhranah Mission Promoter, Pu HS.Lalhmingthanga speaker-a hmangin Mission Convention neih a ni.       Workcamp: Tlai khaw hnua kan thu dawn danin Lunglei Electric Veng BMP member 18 te chuan Samuksuri-ah Good Friday hmanpui pahin Workcamp an nei a. Thawktu quarters sain luah theihin an peih nghal thu an sawi.   Baptisma chang thar: Non Mizo rawngbawlnaah Pathianni kal ta, April 22 khan Diltlangah baptisma chang thar mi 2 an awm.