Missionary-5 tirchhuak dawn- an posting siam fel a ni ta
Pathianni leh June 30, 2013 khian BCM Missionary lak thar 5 (panga) te chu Salem Biak in, Lunglei-ah tirhchhuah an ni dawn ta a. Rev. F. Sangvela, BCM President-in a tirchhuak ang.
Tirhchhuah turte leh an Posting
1) Nl. Zodinmawii, B.Th., M.Div. (Evan.Teacher) : Elem English School, Dulukma, Tripura 2) Pu H.S. Zodingliana, B.Com. (Evan.Teacher) : Elem English School, Dulukma, Tripura 3) Tv. Lalsangzuala Hnamte, M.Div.(Evangelist) :, Namsai, Arunachal Far East 4) Nl. Mary Lalmuanpuii, GNM (Evangelist Nurse): Baptist Mission School, Tuichawng 5) Nl. Lallungawii Tong, GNM(Evangelist Nurse): Nghalimlui te an ni. Tunah hian Missionary Tirchhuah turte hian Orientation Class an nei mek a, Orientation-ah hian Tualchhung Kohhran hrang hrangin -in an sponsored tur Missionary an lakte pawh an tel a ni.Chawngte-ah Ramthim Inkhawmpui:
Chawngte Pastor bial Mission Committee chuan June 21-23, 2013 hian Shalom Biak in, Chawngte ‘P’ ah Ramthim inkhawmpui an hmang mek a, speaker atan bialtu pastor, Rev. Aibula Fanai an hmang. He inkhawmpui hi an la urhsun hle a, kar hmasa Pathianni khan bial chhung Biak in tinah campaign programme hmangin tunkar tluanin zan tin Mission Week hmangin tawngtainain an ur lawk a ni.
Mission Convention hmun hnihah:
Vawiin Pathianni hmang (June 21-23) hian hmun hnih- Lunglei Electric veng Gosen Kohhranah leh Bungtlang Pastor bial Rawpui Kohhranah te Mission Convention neih mek a ni a. Gosen Kohhran hian Mission Coordi-nator, Rev. B. Lalrinawma speaker-ah an hmang a, Rawpui Kohhran hian Mission Promoter, Upa HS. Lal-hmingthanga speaker-ah an hmang.
Baptisma chang thar:
Tun hnaiah Assam field-a kan mission rawngbawlnaah baptisma chang thar 12 an awm a. Chungte chu Mushalpur-ah 3 leh Aujharbari-ah 9 an ni. June 2, 2013 khan Sakbari, Jharkhand-ah mi 7, June 9, 2013 khan Kolabagan, Jharkhand-ah mi 9 ten Baptisma an chang. Sakbari-ah hian House Church din tum mek a ni. June 16, 2013 khan Golasuri, Longpuighat Circle (Chakma Mission)-ah mi 7 in Baptisma an lo chang tawh bawk a ni.
Golasuri tlawh :
BCM Kikawn, Lunglei chuan Chakma Mission, Longpuighat Circle-a Golasuri khuaah Missionary Nl. Biakmawii (Bmi), Haulawng Lalveng an chawm a. A chenna qtrs. pawh an sak sak tawh a. Bmi hian ringthar 7 (pasarih) a siam a, June 23, 2013 Pathianni hian Rev. Docson-an Baptisma a chantir dawn a. Hemi hmanpui hian an kal mek a ni.
Biak in sa mek :
Bengal Field, Jharkhand-a Kurum leh Mahadev khuaa Kristiante chuan Biak in an sa mek a. BCM Lunglawn chuan Rs 10,000/- ve vea puih an tum a. An tanpuina hi Bengal FD Rev. B. Zirsangliana, Birpara kal tlangin an pe dawn.
