Krista pasaltha – Pi R. Lalthianghlimi kan then ta
Pi R. Lallthianghlimi Missionary pensioner chu nimin, August 8, 2018 chhuan dar 12:00 khan a rawng a bawl thin, a Lalpa hnenah a chawl ta. Nizan khan a chewnna In, Zobawkah tlaivarpui a ni a, vawiin, August 9, 2018 hian vui a ni ang. (A chanchin kimchang hi harsatna a awm loh chuan naktuk lamah rawn dah kan tum ang.Adm)
Mission Convention:
#Pukpui Kohhran chuan August ni 11-12 chhûng hian Mission Convention neih a ni a. Speaker atân Rev.Dr.C.Vanlaldika, AGS i/c Mission an hmang ang.
#Cherhlunah Kohhran pawhin August ni 10-12 chhûng hian Bialtu Pastor Rev. Zirsangliana Ralte Speaker-a hmangin, Mission Convention an nei dawn. Rev. Zirsangliana Ralte hi Bhutan Field atanga Cherhlun Biala rawn awm thar a ni.
Baptisma chang thar.
Arunachal Far east field a Limbuguri Kohhran ah August ni 5 khan mi 5 Ringtu Baptistma an chang thar a ni. He lai hi BCM-in hma a lâk tharna Sadia Dibru Baptist Association area a ni.
Baptist Masihi Sangati Programme:
#Tawipui South Kohhran chuan August 9 - 12 chhûng hian Non mizo pualin Camp an nei dawn a. Rev. B. Zirsangliana, Pastor incharge chu Speaker atân hman a ni ang a, Non-Mizo Evangelist ten an tawiawm ang.
#Lawngtlai khawpui chhûnga Non mizo kristiante inkhâwmna hmasa ber chu August 11, 2018(Inrinni)- hian buatsaih a ni dâwn a , Tawipui South atanga va pheiin Pastor-in a telpui ang (camping neih chhung hian a ni dawn a ni).
#August 18 -19 chhung khian Non- Mizo Pastor i/c Rev. B. Zirsangliana hovin Lunglei chhunga evangelist ho ten kumin inkhawmpui dawltu tur BCM peniel, Hnahthial tlawhin an kal dawn a, hnahthial Non mizo Fellowship-ah inkhawmna an neihpui nghal ang.
