Ringthar Baptisma chang  :

i)  June 2, 2013 khan Sakbari, Jharkhand-ah mi 7, June 9, 2013 khan Kolabagan, Jharkhand-ah mi 9 ten Baptisma an chang. Sakbari-ah hian House Church din tum mek a ni.

ii) June 16, 2013 hian Golasuri, Longpuighat Circle (Chakma Mission)-hian mi 7 in Baptisma an chang dawn bawk. Pathian hnenah lawmthu i sawi ang u.

Missionary 5 la thar  :

June 13, 2013 a Mission Board thukhawm chuan heng mite hi Missionary atan a la thar a. June 17 – 25, 2013 chhung hian Orientation neihpuiin, June 30, 2013 hian BCM Salem, Lunglei (Lunglawn Bial)-ah Tirhchhuah an ni ang a, July 1, 2013 ah an hna an zawm ang, chungte cu:-

1)      Nl. C. Zonunmawii, B.A (Hons), B.Th., M.Div., ET d/o C. Lianngenga, Champhai

2)      Pu H.S. Zodingliana, B.Com., ET s/o H.S. Zatawna, Thaizawl

3)      Tv. Lalsangzuala Hnamte, M.Div., Evangelist, s/o H. Doremthanga, Saiha

4)      Nl. Mary Lalmuanpuii, GNM, Evan. Nurse, d/o Joseph P. Liana, Laipuitlang, Aizawl

5)      Nl. Lallungawii Tong, GNM, Evan. Nurse, d/o Rev. Docson Tong, Vaseikai..

Diploma in Missionary Training  :

BCM Missionary 10 (sawm) te chuan June 5, 2013 khan A.I.C.S, Aizawlah Missionary training an nei tan ta. Missionary thawk lai 2 (pahnih) M.Div. (Missiology) zirlai mek A.I.C.S-ah hian an awm bawk.

Chungte chu:-

1. Nl. Lalduhawmi Sailo  -        Yakhily Academy, Tripura

2. Nl. Remlalpari Chawngthu    Bethel Baptist School, Dhubri

3. Nl. Lalhlimpuii Sailo  -           Tripura

4. Pu HC.Lalhmunliana -           Betbonia, RCM

5. K. Lalzuimawia         -           AP East

6. FH. Lallawmzuala     -           Itanagar, AP West

7. F. Zoramthara          -           Itanagar, AP West

8. D. Vanlaltuaia           -           Vathuampuia

9. C. Lalkhingliana        -           BBS Chawngte

10.K. Lalrinawma   -          Putlungasih

Missionary Furlough  :

Nl. C. Lalremruati, Missionary chuan June 16, 2013 Pathianni thleng hian an Bial – Lawngtlai ‘S’ a tlawh. Birpara Area, Bengal Field-a Rydak Biak in sakna tur pawh kohhran leh mi thahnemngaite atangin a hmuh that viau thu kan lo hria. Lawmthu i sawi ang u.

Mission Promoter Programme

June 21 – 23, 2013 chhung hian BCM Rawpui (Bungtlang Bial) chuan Mission Convention buatsaihin, Upa H.S. Lalhmingthanga, Mission Promoter Speaker-ah an hmang dawn. June 22, 2013 Inrinni Chawhnuah KNP te hun hmanpuiin, June 23, 2013 Pathianni Chawhnu hi TKP pualin an hmang ang.

Mission Coordinator Gosen-ah  : 

June 21 – 23, 2013 chhung bawk hian BCM Gosen (Lunglei Electric Bial) chuan Mission Convention neiin Rev. B. Lalrinawma, Mission Coordinator chu Speaker atan hman an tum.