Rev R Lalremruata[/caption]
Mizoram Baptist Kohhran chuan Mission Field Director atana Post Rev. R. Lalremruata-te chhungkua chu Tunkar Pathianni, April 22, chawhma dar 10:00 hian Mizoram Baptist Kohhran Biak In, Bethlehem, Aizawl-ah a tirchhuak dawn ta. Tirhchhuah inkhawm hi Rev. B. Lalrinawma, Mission Coordinator-in a kaihruai ang a, BCM President, Rev.Lalbiaksanga Chinzah-in tirchhuakin, Rev.Dr.K.Lalrinthanga, executive Secretary, Aizawl-in thuchah a sawi ang.
| MISSIONARY TIRHCHHUAH INKHAWM PROGRAMME | ||
| A hun | : | April 22,2018 (Pathian ni) 10.00AM - 12.00 Noon |
| A hmun | : | BCM Biak In, Bethlehem |
| Hruaitu | : | Rev. B.Lalrinawma, Mission Coordinator |
| Tirchhuaktu | : | Rev.Lalbiaksanga Chinzah, BCM.President |
| Thuchah | : | Rev.Dr.K.Lalrinthanga, E.S, Aizawl Area |
| Tirhchhuah tur | : | Rev.R.Lalremruata B.Sc.BD. M.Th. |
| Bible chhiar: | : | 1)Upa F.Aikunga |
| 2)Upa Ramliana | ||
| Zaipawl | : | 1) Missionvengthlang Bial Zaipawl |
| 2) Bethlehem Kohhran Zaipawl | ||
Rev. R. Lalremruata hi March 25, 1979-ah Rahsi Veng Lunglei ah a piang a. A pa chu R. Hrangchhinga a ni a, a nu chu R. Kawlrunthangi a ni. Kum 2009-ah Lalbiakdiki Sailo nen an innei.
Kolkatta University atangin B.Sc a zo a, kum 2008-ah AICS atangin BD a zo bawk. Kum 2008-a BD a zir zawh hnuin Assam-Bengal Field a, Dhubri Field ah missionary te puiin a thawk a, 2009-ah BCM-in Pastor ni turin a la a, Probation Period hi Aizawl East Bial leh Tawipui Bial-ah te hmangin 2012-ah Ordain a ni a, Kawrthah Bial-ah post a ni. 2012-2015 chhung Kawrthah Bial a enkawl a. 2015 hian M.Th zir turin thlan a ni a, UTC Bangalore-ah zirin kumin 2018 hian a zir zo a, result a nghak mek a ni.
Note: Tuna a awmna tur hi fimkhur thu-hla avangin tarlan a ni lo va, Print media lamah chiang zawka tarlana ni e.
