Tunkar Pathianni, March 28, 2021, chawhma dar 10:00 hian Mission Field Directors tur te tirhchhuahna Inkhawm BCM Biak In Salem, Lunglawn Bial-ah neih a ni dawn a, tun tumah hian Regional Director pakhat leh Field Director pali te tirhchhuah an ni ang.
Tirhchhuahna inkhawm hi Rev. Dr C. Vanlaldika, AGS Mission in a kaihruai ang a, tirhchhuah turte hmelhriattirna Rev. R. Lalthangliana, Mission Coordinator in a neiin, Rev. R. Lalbiakliana AGS-Service Field Director-a kal chhuak tur te hi a tirchhuak ang. Rev. F. Ramdinmawia, General Secretary hnen atangin thuchah ngaihthlak a ni ang a, tirhchhuahte tana tawngtaisakna Rev. KV Thanga, Lunglawn Bialtu Pastor in a nei ang.
Field Director Torchhuah turte hnen atangin sharing tawi ngaihthlak a ni ang a, Nl. B. Lawmsawngpuii hnen atangin fakna hla ngaihthlak a ni bawk ang. Rev. ZD Rodingliana, Director, Christian Education Department-in Malsawm tawngtaiin inkhawm a tin ang.
Field Director atana tirhchhuah tur te chu hengte hi an ni:-- Rev. Lalrintluanga- Regional Director (Kokatta Region),
- Rev. K.Vanlalmuana - Field Director (North India Mission Delhi)
- Rev. Dr. C. Lalruatthanga - Field Director (Chakma Mission),
- Rev. Israel Lalremtluanga - Field Director (Baptist Masihi Mission)
- Rev. HS Lalramnghaka - Field Director (Upper Assam, Diblugarg)
