Kan hriat chinah April 20, 2014 Easter Sunday khan Ziro, A.P West-ah ringthar 45, Naharlagun-ah ringthar 8 leh April 2014 chhung hian M.P & MH Field-ah ringthar 20 in Baptisma an chang bawk. April 27, 2014 Pathianni khan Tinkitam, Sikkim-ah Buddhist sakhua atanga Kristiana inpe ringthar mipa 3 leh hmeichhia 4 in Baptisma an chang bawk.
MISSIONARY FURLOUGH :
1) Pu L. Vanlalzuia chuan May 7 – 14, 2014 chhung hian Zotlang (Aizawl) Bial
2) Pi J. Laldampuii chuan May 4 – 11, 2014 chhung hian Muallianpui Bial
3) Pu R. Tuikhurliana chuan May 4, 2014 thleng Bungtlang ‘S’ Bial, May 10 – 14, 2014 chhung hian Bazar Bial, Lunglei
4) Upa H.L. Liantluanga chuan May 11 – 18, 2014 chhung hian Zotlang (Lunglei) Pastor Bial
5) Pu C. Vanlalsawma chuan May 10 – 11, 2014 chhung hian Lungchem Pastor Bial tlawhin Furlough programme an hmang chhunzawm dawn.
NAMSING FREE MEDICAL CLINIC :
May 10, 2014 (Inrinni) hian Arunachal East Field-a Mebo Bial chuan an Bial chhung Namsing khuaah Adi Kristian Doctor-te puihnain Free Medical Clinic neih an tum a. Hemi hi remchanga neihin thu leh hlain Chanchin Tha an hril dawn. Chawlkar hmasaa sawi tawh ang khan he khuaa in 190 chuang hi Kristian lo (Donyi-Polo, Ni leh Thla bia nia inchhal) an la ni a, Kristian chu in 5 chauh an ni.
PULPIT SIAMNA TUR PE :
Pi J. Chhawnkimi, Instructress, Arunachal Women Skill Training Centre, Naharlagun-a BCM Recognised Missionary chuan Arunachal East Field-a Mebo Biala Ngopok Biak in Pulpit siam nan Rs 10,000/- (sing khat) a pe. Pi Chhawni hian BCM Mission Platinum Jubilee lawmnaa lo kal pahin, a lehkhabu ziak a hralh nual a, a pawisa hmuh chu Pathian ram tan a hmang tangkai a ni. Hetiang mi thahnemngai leh inpe BCM-in kan nei hi kan vannei hle a ni.
ni.
