May 4, 2013 (Inrin ni) khan Yakhili Academy, Khumalung, Tripura a kan school chu tahrik ni thlipui na takin a chung ft. 205 dawn laia sei chu a la-in a tichhe vek a, loh theih lohvin zirlai naupang 700 zet chu chawlhtir a ni ta ringawt mai a ni. Tin, Assemb-Bengal Field, Debitola-a kan Misson Compound-ah pawh kan Missionary te luah lai 2 a len chhe bawk Tin, May 7, 2013 (Thawhleh ni) zing khan rial lian leh tam takin Tiperah Academy, Borkathal, Tripura a mi chu thawktu Quarter leh School chung Rangva a deng chhe vek a, thawktute pawh School building pakhat, sawrkarin concrete-a min sak sakah an inbeng khawm ringawt mai a ni. Tunah hian Cyclone in Mizoram khawtlang lam leh Tripura te, Bangledesh (Mire ram) te pawh a nuai leh mek a, kan thawktute leh kan Mission hmuna awm ten eng ang chiahin nge an tawrh dawn kan hre thei lo. Pathian hnenah venhimna dilin i tawngtaipui ang u.
Heng lo pawh hi Mission Field (Ram chhung leh ram pawnah) hetianga chhiatna (natural calamity) lo thleng hi a awm fo thin a; a hran te te a Kohhrante hnena ngenna (appeal) siam rem chiah si lo chhawmdawlna pek mamawh tam tak an awm thin a. Chutiang thulha BCM hminga tanpuina pek atul changa pek zung zung tur a awm theih nan mimal, chhungkua, kohhran leh pawl-in chhawmdawlna tur pe thei te kan awm chuan Upa R.Lalbiakmuana, Accountant, BCM Office, Serkawnah pek nise a lawmawm hle ang. Kan pe thei anih chuan hming hmerh nei lovin Mission Relief angin, atul apiangte hnena pek theih turin petute pawh inhawng zau thei ila a lawmawm hle ang.
