November 8, 2014 (Inrinni) hian Sap Upa leh Pu Buanga Hall, BCM Office, Serkawnah Lunglei ‘N’ ABC huam chhunga Pastor Bial pali – Rahsiveng, Bazar, Serkawn leh Zotlang Pastor Bial huapin Mission Consultation buatsaih a ni dawn a. He Consultation-ah hian Bial Executive Committee Mamber, Bial Mission Committee member leh Tualchhung Mission Committee Office Bearers te tel tura beisei leh sawm an ni. Consultation hi Rev. Dr.K.Lalrinthanga, Associate General Secretary i/c Mission-in a kaihruai ang a, Upa HS Lalhmingthanga, Mission Promoter leh Rev. B. lalrinawma, Mission Co-ordinator ten Paper an present ang. Mission lama hmasawnna tur kawng hrang hrang te sawihona hun an hmang nghal ang.
Arakan (Myanmar) Field Director tur ruat fel:
October 30-31, 2014-a Pastoral Committee Meeting chuan Arakan Field Director atan Rev. Lalmuanzuala, M.Th (Missiology) chu a ruat fel ta. Arakan Field hi 2014 BCM Assembly-in Mission Field thar atan puangin Mission Department-in a hmun leh mihring dinhmun te zir chiangin Survey a lo nei tawh a, tunah hian Field Function dan tur leh in benbel dan tur te ruahmanna a kal chho mek zel a. Remchang awm hun-ah hawn a ni ang.
BKHP -in Mission Field tlawh:
1) November 6-9, 2014 chhung hian Chanmari Unit BKHP member 30 chuan an Bialtu Pastor, rev.LB Khawpuimawia hovuin Tripura Field an tlawh mek.
2) November 112 2014 khian Venglai Unit BKHP te pawh Tripura Field tlawh tur hian chhuah an tum a, tuna Furlough a rawn chhuak mek Pu B. Laltlanzauva'n a hruai kual ang.
Gospel Meeting:
Baptist Boarding School, Chawngte chuan November 4-7, 2014 chhung hian Gospel Meeting an nei mek a. CBC Bible Translator Pro.Pastor Kandra Joy chu Speaker-ah an hmang.
