Mizoram Baptist Kohhran, Assembly hnuaia Committee lian pathum zinga pakhat, Mission Committee Meeting, ni hnih awh chu tluang takin an zo ta. He Meeting hi August 7 (Nilaini) khan Sap Upa leh Pu Buanga Hall, Serkawn-ah tan a ni a, vawiin chawhnu dar 1:00 khan tluang takin an zo thei ta a ni.
Meeting hi Rev. F. Sangvela, BCM Presindent-in kaihruai a, Rev. Dr. K. Lalrinthanga, AGS Mission-in BCM Mission Department hmalakna leh rawngbawlna chanchin report a pe bawk. Tun tum meeting-ah hian 2012-2013 hman liam tak Planning leh Budget Report te thlir letna(Evaluation) neiin, financial Year kal mek March – June 2013 chhunga Planning leh Budget bawhzui dan Report te an thlirho bawk.
Thurel langsar te :–
1. Myanmar leh a chhehvela Missionary tirh leh rawngbawlna nei tura sawmna chu ngaihtuahin hei hi bawhzui ni se la, Surveyor in tirh ni se, Assembly 2014-a ngaihtuah turin report thehluh hman ni se tih a ni.
2. Aizawl Area-a BCM huam chhungah Non-Mizo zinga rawngbawlna neih rawtna chu Assembly Executive Committee-ah thlen chhoh remtih a ni.
3. Thawktu Pension te hmun ruak (Post) pahnih - Sunstantive post pakhat leh Temporary Post pakhat hum dilna, Mission Board Committee atanga lut chu remtih a ni a, Assembly-ah pawmpui tura thlen ni se tih a ni.
4. Mission hnuaia thawktu(Missionary) pasarih(7) Confirm tura rawtna chu Assembly-a Confirm tura report ni se tih a ni, chungte chu:-
1) H. Laltlanmawii - BBS Chawngte 2) LH Lalropari - Ngalimlui 3) Pc Lalmuanpuia - Vathuampui 4) F. Lalramdinpuia - Debitola 5) F. Lalsangzuala - Andaman & Nicobar Island
6) A. Kandrajoy Chakma - Chakma Mission
7) TD Lalrinsanga - Chakma Mission
5. Kenya (Africa)-a Missionary-a thawk lai VL Buatsaiha chu a hna thawh-in a mamawh avanga Minister atana Ordain SIM hotuten an rawn dilna chu Pastoral Committee-ah Ordain tura thlen chhoh remtih a ni.
AGS i/cMission, Rev. Dr. K. Lalrinthanga’n report-a a tarlan danin Kumin April - July thla chhungin Missionary 14 lak thar an ni a, January – June 2013 chhungin BCM Mission Field 14 atangin ringthar baptisma chang 1971 nei tawhin, Kohhran thar 11 leh Fellowship thar 12 din a ni tawh bawk. Tun dinhmunah BCM hnuai thawk Mission Worker 888 an awm mek a ni. Ramchhung leh Rampawn Mission Field-ah hianZirnaSchool(Primary-HighSchool) 54 BCM-in a enkawl mek a, heng zinga School 15 chu Primary – High School thleng nei (ComprehensiveSchool) an ni a, a dang zawng hi Middle hnuai lam an ni. Heng School-ah hian Zirlai 9538 an awm a, Zirtirtu 340 an awm. Kumin 2013 HSLC Ressult chhuakahMissionSchoolatangin Zirlai 280-in an exam a, an zinga 225-in passed in Distinction-ah 14, First-ah 38-in an passed, a pumpui passed percentage chu 78.67 a ni.
