Mizoram Baptist Kohhran, Assembly Committee lian pathum - Mission, Service leh Central Committee te chuan tunkar (August 22 - 24, 2018) hian Sap Upa leh Pu Buanga Hall, Serkawn-ah Meeting an nei chho mek a. Nimin lamah Mission Committee meeting an zo fel a, vawiin-ah Service Committee thukhawm lehin naktukah Central Committee Meeting-in a chhunzawm leh ang.
[caption id="attachment_12671" align="aligncenter" width="720"]
Mission Comittee Meeting August 22, 2018[/caption]
Nimin-a Mission Committee Meeting hi BCM President, Rev. Lalbiaksanga Chinzah-in kaihruaiin tanna hun a hmang a, AGS i/c Mission Rev. Dr. C. Vanlaldika'n Mission Report tlangpui a pek hnu-ah thurel tan a ni a. An thu passed langsar zingah-
- Sadar 'N' Baptist Association(SNBA) nena MoU tihtawp ni se tih a ni a, Assembly executive-ah report tura tih a ni.
- Mission Field tlawh dan inkaihhruina siam chu en that ngai te en tha-in Assembly Executive-a thleh chhoh tura tih a ni.
- Nepal Baptist Church Council (NBCC) leh BCM thawhhona (MoU) pawhsei chungchang te, Private Missionary Support Policy siam thatna tur ruahmanna te Assembly executive-ah thlen chhoh tura tih a ni bawk.
- Tin, BCM Missionary pathum - Pu H. Hrangchhuana(Evangelist, Assam Field), Pu C. Pachhunga (Evangelist, Arunachal East Field) leh Pu K. Lalchungnunga,(Evangelist, A.P Far East Field) te chu Serh leh sang khawih theihna pek ni se tih a ni a, Assembly Executive-ah thlen chhoh tura tih a ni bawk.
Heng bakah hian kum 2017-2018 (April - March) leh 2018-2019 (April - July) Annual Working Plan report te thlir hovin inzawhfiah ngai te in zawtin sawifiah a a ni bawk.
Mission Committee member te hi - Pastor Bial aiawh 1 theuh leh Ex-Officio member bakah Assembly ruat member 10 an ni a, an vaiin member 100 vel tel thei tura beisei an nih laiin, tun tum-ah hian member 95 vel telin Mission Committee Meeting member kal that ber tum a ni hial awm e.
[caption id="attachment_12672" align="aligncenter" width="720"]
Mission Comittee Meeting August 2018[/caption]
...................................
AGS i/c MISSION REPORTSChibai bukna: A hmasain BCM Assembly Mission Committee member zawng zawngte kan Lalpa Isua Krista hmingin chibai ka buk a che u. Vawiinah hian Baptist Church of Mizoram Mission report pe theia ka awm avangin ka lawm hle mai.
1. Furlough nei mekte: 1.1. Pu David Lalrengpuia, Dubri, Assam 1.2. Nl. Marry L. Hnamte, Kenya (SIM) 1.3. Rev. Thangridema, Thailand (GIA) 1.4. Pu F. Lalramdinpui, Mendavari 1.5. Rev. Faktea Hrahsel and family - SEA (GIA) – Australia-ah 2. Mission Rawngbawlna kan kalpui chhoh mek-a kan dinhmun tlangpui chauh 2018| Sl.No | Year | New Believers | New Church | New Fellowship |
| 1 | 2009 | 4375 | 17 | 9 |
| 2 | 2010 | 3346 | 23 | 13 |
| 3 | 2011 | 2829 | 28 | 8 |
| 4 | 2012 | 7664 | 64 | 98 |
| 5 | 2013 | 7762 | 41 | 25 |
| 6 | 2014 | 6309 | 36 | 18 |
| 7 | 2015 | 4613 | 65 | 38 |
| 8 | 2016 | 4856 | 27 | 23 |
| 9 | 2017 | 4117 | 17 | 33 |
| 10 | 2018 | 1560 (Jan-June) | 17 |
| 1 | Missionary | 334 |
| 2 | Missionary Nupui | 173 |
| 3 | Local workers | 296 |
| 4 | Casual workers/ Fixed | 101 |
| 5 | Pawlho chawm Missionary | 137 |
| 6 | School chawm Missionary | 226 |
| 7 | Recognised Missionary | 16 |
| TOTAL MISSION WORKERS | 1283 |
- Pathian khawngaihna ropui tak avangin kan Mission Field tam zawkah ringthar, Kohhran thar nei mai turin hma lak a ni a, report siam lai erawh hi chuan report tel theih a la ni si lova, chuvangin kan telh lova, ringthar Bapisma chang mai tur erawh engemawzat kan nei.
- Tin, Kan Mission Sikulahte, Tailoring Centre kan nei leh Direct Evangelism kan thawhna hmun thenkhatah mi inpe te kan nei zel a, Thalai lehkha thiam mi inpe tak tak kan la neite hi kan lawman a ni bawk.
- Regional, Field Director thar ten tui tak leh lawm takin an chanpualte zawmin an hna an thawk mek hlawm a, report ngaihnawm tak tak kan nei fo te hi kan lawmna a ni bawk.
- Loh theih lohna avangin kan thawktu ten Teacher’s Training (D.El ed) exam leh class kal avangin thawktu thenkhatte’n an post an chhuahsan a tul a. Kan mission work hian a nghawng palh a hlauhawm hle. ( Hei hi Sorkarin tih ngei ngei tur a tih avanga kan missionary te pawhin ti ve an ni).
- Nepal Field-ah hian Naupang Sunday School Zirlaibu kum 2018 atan buatsaih fel a ni ve ta a. Hei hi Nepal Baptist history-a a vawi khatna a ni. Kohhran hote’n an hlut hle a, a lawmawm e.
i) Kan ram kalphung insiksawi chho zelah hmun thenkhatah Kristiante enthlak reng an ni a, hengte atang hian Baptisma chang tur kan neih zing atang pawhin la chang hlei thei lote kan nei a. Hmun then khat, MP & MS angah te phei chuan vau khanna hial an tawkin khap beh tum mek a ni.
ii) Myanmar, Akyap Field lamah ringthar kan neih belh hlek hlek ve a. Hetih lai hian inkhawmna tur an neih mumal lohna hmunah mi hausa Garage sirah an inkhawm thin a, rilru an tina hle.
iii) Kan Mission Field Chakma, Bru area lamah kumin tui lianin kan Mission Quarter leh Biak in te a chimin hna a ti tam hle. Tlabung-a Non-Mizo Evangelist quarter phei chu chei hle loh phei chuan luah mai theih a ni lo nghe nghe.
iv) Mp & MS Field Director tharin a hna a zawm hnu rei vak lovah natna tuarin hun engemaw chen a awm a, he Field hi RSS hote’n Kristiante an enthlak rengna hmun a ni a, rawngbawlna a hnufum phah zel ang tih a hlauhawm khawp mai. Tawngtaipui pawh an ngai zual bik hle.
v) Tahrik Ni 11 August, 2018 (Inrinni) khan Ngiautlanga kan Missionary, Ruthi Lalrinsiamite chhungkua leh CBC Ngiautlang BMMD member-te Sedailui BMMD tlawh tura an kal chu Tuichawngluiah an chuanna lawng chesualin Ruthi fanu, Esther K. Lalhruaizeli kum 2 mi leh Pi Hajoli te chu tuiah tlain an nunna an chan ta. Vanduai chhungte kan tuarpui tak zet a ni.
vi) Pu Lalthanmawia Sailo, Missionary (Retired) chuan Dt. 4th August 2018 (Inrinni) khan chatuan ram min pan san a; Dt 8th August,2018 (Nilaini) khan Pi R. Lalthianghlimi, Missionary (Retired) pawhin chatuan ram min pan san ta bawk. Khawhar chhungte BCM Mission Committee chuan a tuarpui tak zet a ni.
vii) Jaigoan-a kan Missionary Pu Lalengmawia chu a kal (kidney)-ah lung a awm avangin an zai a, report kan dawn danin a tha ve zel niin kan hria.
AGS, Coordinator leh Promoter zinnate:
AGS, Coordinator leh Promoter-te Mission Seminar/Consultation/Convention neiin kohhran hrang hrangah an zin kual a. Tahrik Ni 13 – 15 June 2018 khan khawthlang lam Mission Field (Kawpuichhuah, Serhuan leh Zawlpui) tui lian tuartute tlawhin AGS i/c Mission leh President Elect-te chu an kal a, Relief pek a ni.
Kuminah hian Missionary Conference neih tura ruahman a ni a, a senso tur pawh Budget-ah dah tawh a ni e. Conference neihna hmun tur atan hian BCM Electric, Lunglei dil a ni a, kan dilna min phalsak avangin kan lawm hle.
