Mizoram Baptist Kohhran, Assembly hnuaia Committee lian pathum zinga pakhat, Mission Committee Meeting,ni hnih awh tura ruahman chu nikhat-ah tluang takin an zo fel. He Meeting hi August 5 (Nilaini) khan Sap Upa leh Pu Buanga Hall, Serkawn-ah neih a ni a, tlai dar 3:00-ah tluang takin an zo thei ta a ni.

Meeting hi Rev. C. Ngurhnema, BCM Presindent-in kaihruai a, Rev. Dr. K. Lalrinthanga, AGS Mission-in BCM Mission Department hmalakna leh rawngbawlna chanchin report a pe bawk. Tun tum meeting-ah hian 2014-2015 hman liam tak Planning leh Budget Report te thlir letna(Evaluation) neiin, financial Year kal mek March – June 2015 chhunga Planning leh Budget bawhzui dan Report te an thlirho bawk.

Tun tum Committee-ah hian Agenda pangngai anga thu lut a awm em em lo va, Report atanga sawi zui ngai sawiho leh hma chhawp mek te inkawhhmuhna hun atan hman a ni ber.

August thla hi Assembly Committee pawimawh tak tak awm thla a ni thin a, Karleh Nilaini (August 12) khian Serice Committee leh a tuk, ningani(August 13)-ah Central Committee an thu khawm leh ang a, August 26-27, 2015-ah Assembly Executive Committee an thukhawm leh dawn a ni.