Vawiin August 9, 2016 chawhma dar 10:30 atang khan Assembly Committee lian zinga pakhat, Mission Committee meeting ni hnih awh tur chu tan a ni ta. Meeting hi Rev. Lalthangliana Hnamte, BCM President-in a kaihruai a, Rev. Dr. C. Vanlaldika’n kum kal mek April-July Report tlangpui a pe bawk. Mission Committee-ah hian Pastor Bial aiawh leh Assembly aiawh member 100 vel an awm a, chanchin kan ziak lai hian rorel member 81 an kal. Tun tuma an thu rel tur chhawpchhuah langsar zualte chu:-

[caption id="attachment_9092" align="aligncenter" width="5952"] Mission Committee Meeting-August 2016[/caption]

1. Missionary pali, Serh leh sang khawih theihna pek dilna te. 2. Non-Mizo Mission kum 50 tlin champhaphak lawm chungchang. 4. Mission Field-a thawktute kaihhruaina(Manual) siam chungchang. 5. Missionary Recognised dilna chungchang.

Heng Agenda bakah hian Mission Field hrang hrang leh Mission School te Working Plan Achievement evaluation neiin an thlir bawk ang.

Mission Committee bakah hian Commitee lian dang pahnih – Service, Central leh Assembly Executive Committee Meeting te tun thla hian neih a ni ang: hetiangin 1. Service Committee – August 17, 2016 2. Central Committee – August 18, 2016 3. Assembly Executive Committee – August 24&25, 2016