Mizoram Baptist Kohhran, Assembly hnuaia Committee lian pathum zinga pakhat, Mission Committee ni hnih awh tur chu vawiin August ni 7, 2013 hian Sap Upa leh Pu Buanga Hall-ah an tan a, naktuk-ah zawh hman beisei a ni. He Meeting hi Rev. F. Sangvela, BCM Presindent-in kaihruaiin, Rev. Dr. K. Lalrinthanga, AGS Mission-in BCM Mission Department hmalakna leh rawngbawlna chanchin report a pe bawk. Tun tum meeting-ah hian 2012-2013 hman liam tak Planning leh Budget Report te thlir letna(Evaluation) neiin, financial Year kal mek March – June 2013 chhunga Planning leh Budget bawhzui dan Report te an thlirho nghal ang. Agenda langsar zingah –Myanmarleh a chhehvela Missionary tirh leh rawngbawlna neih thu te, BCM Aizawl Area-a Non-Mizo zinga rawngbawlna neih thu te bakah Post hum dilna leh thawktu 5 confirm tura dilna te a ni ang.
AGS i/cMission, Rev. Dr. K. Lalrinthanga’n report-a a tarlan danin Kumin April - July thla chhungin Missionary 14 lak thar an ni a, January – June 2013 chhungin BCM Mission Field 14 atangin ringthar baptisma chang 1971 nei tawhin, Kohhran thar 11 leh Fellowship thar 12 din a ni tawh bawk. Tun dinhmunah BCM hnuai thawk Mission Worker 888 an awm mek a ni. Ramchhung leh Rampawn Mission Field-ah hianZirnaSchool(Primary-HighSchool) 54 BCM-in a enkawl mek a, heng zinga School 15 chu Primary – High School thleng nei (ComprehensiveSchool) an ni a, a dang zawng hi Middle hnuai lam an ni. Heng School-ah hian Zirlai 9538 an awm a, Zirtirtu 340 an awm. Kumin 2013 HSLC Ressult chhuakahMissionSchoolatangin Zirlai 280-in an exam a, an zinga 225-in passed in Distinction-ah 14, First-ah 38-in an passed, a pumpui passed percentage chu 78.67 a ni.
