December 16, Pathinni hi Mizoram Baptist Kohhran ni pawimawh Mission Buh thar hlan ni a ni a. Thupui hran siam a ni lo va; zing inkhawmah Kohhran tawngtairualna neih tur a ni a, mission rawngbawlna tihchak nana he ni hi hman a ni thin.
Mission Buh Thar Hlan Ni lo chhuah dan:
Mizoram Baptist Kohhran chuan kum 1939 atangin Tuikuk, Takam zinga rawngbawlna a tan a. Chumi hnuah Zoram Baptist Mission (ZBM) din a lo nil eh a. Ramthim rawngbawl lamah kohhran mipui kan than harh zel avangin kum 1984Assembly chuan ZBM rawngbawlna lama hma kan sawn a, thilpek a lo pun beiseiin “ZBM Buh Thar Hlan Ni” atan a lo ruat ta a. Kum 2005 Assembly thleng khan ZBM Buh Thar Hlan Ni thawhlawm pawh Headquarter-ah chhunluh a ni.
Mahse hun lo kal zelah rawngbawl dank o thlak a lo ni ve sel a, ZBM Buh Thar Hlan Ni chu “Mission Buh Thar Hlan Ni” tih a lo ni ta a. Tichuan hemi ni a pawisa tlingkhawm pawh hi Headquarter-ah chhunglut tawh lovin tualchhung kohhran rawngbawlna atan hman a ni se tiin kum 2005 Assembly chuan a lo rel leh ta a. Vawiin thlengin December Pathianni vawi hnihna hi Mission Buh thar hlan ni atan hmangin thawhlawm pawh tualchhung kohhranin a chang ta zel a ni.
Kan Buh Thar i Hlan Ang U
Thingtlang leh Khawpui-a chengten buh chinga huan, leipui leh lo neite chuan kan buh thar atangin tualchhung mission rawngbawlna atan kan thinlunga kan phal tawk theuh I hlan leh ila. Huan, leipui leh lo neilote pawhin mission rawngbawlna atan thahnem-ngai takin thawhlawm i thawh leh ang u.
