Tunkar Pathianni, December 14, 2014 hi Mizoram Baptist Kohhran ni pawimawh (Special Sunday) - "Mission Buh thar hlan Ni" a ni a. Pathianni zing inkhawmah Headquarters atanga tawngtai thupui siam sa hmangin Kohhran tinah tawngtairual leh hemi ni pual thuchah chhiarchhuah a ni ang. 

Tawngtai thupui: (a) Pathian hnên atanga malsâwmna kawng hrang hranga kan dawn te avângin lâwmthu sawi ila, a bîk takin buhthar malsâwmna kan dawn avângin lâwmthu sawi ang u.

(b) Kamding leh, lo nei ve kher lote pawhin thla tina kan hlawh lâk hi thla tina kan buh tharah ngai ila, lo nei lova ni tin inhlawha eizawng te pawhin kan hlawh hmuh ang ang hi ni tina kan buh tharah ngai ila, sumdâwngte pawhin chutiang zêlin, Pathian hnênah lâwmthu i sawi ang u.

(c) Mission rawngbawlna lama hma kan sâwn zêl theih nân .   Mission Buhthar Hlan Ni lo chhuah dan:

Mizoram Baptist Kohhran chuan kum 1939 atangin Tuikuk, Takam zinga rawngbawlna a tan a. Chumi hnuah Zoram Baptist Mission (ZBM) din a lo nil eh a. Ramthim rawngbawl lamah kohhran mipui kan than harh zel avangin kum 1984Assembly chuan ZBM rawngbawlna lama hma kan sawn a, thilpek a lo pun beiseiin “ZBM Buh Thar Hlan Ni” atan a lo ruat ta a. Kum 2005 Assembly thleng khan ZBM Buh Thar Hlan Ni thawhlawm pawh Headquarter-ah chhunluh a ni.

Mahse hun lo kal zelah rawngbawl dank o thlak a lo ni ve sel a, ZBM Buh Thar Hlan Ni chu “Mission Buh Thar Hlan Ni” tih a lo ni ta a. Tichuan hemi ni a pawisa tlingkhawm pawh hi Headquarter-ah chhunglut tawh lovin tualchhung kohhran rawngbawlna atan hman a ni se tiin kum 2005 Assembly chuan a lo rel leh ta a. Vawiin thlengin December Pathianni vawi hnihna hi Mission Buh thar hlan ni atan hmangin thawhlawm pawh tualchhung kohhranin a chang ta zel a ni.

Thuchah:

Vawiin (December Pathianni vawi hnihna) ni pawimawh bîk takah hian kohhran mipuite in vaiin BCM Hqrs.Office atangin kan Lalpa Isua Krista hmingin chibai kan bûk a che u.

Kohhran pâwl dang tam tak aia Mizoram Baptist Kohhran kan danglam bîkna chu missionary rilru pu, ramthim vei kohhran kan nihna hi a ni. Kum 1939 atang daih tawh khân kan rama Bru leh Chakma te zîngah tirhkoh ruaiin Chanchin Tha la hre ve lote hnênah mission hna kan lo thawk tan daih tawh a. He rawngbâwl hna pawimawh tak hi kan uar zêl theih nân Executive Committee Meeting 18.6. 1966 chuan Zoram Baptist Mission (ZBM) a din ta a. He rawngbâwlna lama hma kan sâwn zêla thil pêkte pawh a lo pun zêl theih nân kum1984 Assembly chuan ZBM BUH THAR HLAN NI hi a lo ruat ta a ni. Kum 2005 thleng khân ZBM Buh Thar Hlan Ni thawhlâwm pawh Headquarters-ah chhûn luh a ni. Hun a lo kal zêl a, ZBM Buh Thar Hlan Ni tih chu Mission Buh Thar Hlan Ni tia thlâk a lo ni leh ta a. Hemi ni-a thawhlâwm tling khâwm pawh chu Headquarters-ah thawn lovin Tualchhûng Kohhran rawng-bawlna atân hman tûrin Assembly 2005 chuan a lo rêl leh ta a. Vawiin thleng hian December Pathianni vawihnihna hi Mission Buh Thar Hlan Ni atân hmangin thawhlâwm pawh tualchhûng kohhranin a chang ta zêl a ni.

Thingtlâng leh khawpuia chêng ten, buh chînga huan, leipui leh lo neite chuan kan buh thar atangin tualchhûng mission rawngbâwlna atân thahnem-ngai takin Pathian hnênah i hlân ang u. Hetianga Buh Thar hlan tûr nei kher lote pawhin kan huan thlai, kan ran vulh leh sum leh pai, kawng hrang hranga Pathian malsâwmna kan dawn atangin tualchhûng mission rawng-bawlna atân i pe ang u. Kan buh leh bâl, kan sum leh pai chauh ni lovin keimahni ngei pawh hi Lalpa tân he ni pawimawh bîkah inhlân thar leh ang u.